नेभिगेशन
समाज

सुदूरपश्चिमका १६ प्रतिनिधिसभा निर्वाचन क्षेत्रमा २ सय १० उम्मेदवार चुनावी मैदानमा

काठमाडौँ । सुदुरपश्चिम प्रदेशका १६ प्रतिनिधिसभा निर्वाचन क्षेत्रमा दल र स्वतन्त्र गरी २ सय १० जनाले आफ्नो उम्मेदवारी दर्ता गराएका छन् । एक सय ९२ पुरुष र १८ जना महिला उम्मेदवार गरी जम्मा दुई सय १० उम्मेदवारले मनोनयन दर्ता गराएको निमित्त प्रदेश निर्वाचन अधिकृत प्रेमराज भट्टले जनाकारी दिएका छन् ।

Watch On

Facebook Tiktok Youtube Instagram Twitter

प्रदेश निर्वाचन कार्यालयका अनुसार पाँच निर्वाचन क्षेत्र रहेको कैलालीमा सबैभन्दा बढी उम्मेदवारले मनोनयन दर्ता गराएका छन् । कैलाली निर्वाचन क्षेत्र नं १ मा १९ जना, कैलाली–२ मा १६, कैलाली–३ मा ११, कैलाली–४ मा १६ र कैलाली–५ मा १६ उम्मेदवारले मनोनयन दर्ता गराएका छन् ।

Marvel
Extreme Energy

त्यसैत तीन प्रतिनिधिसभा निर्वाचन क्षेत्र रहेको कञ्चनपुर निर्वाचन क्षेत्र नंं १ मा १९ जना, कञ्चनपुर–२ मा १९ र कञ्चनपुर–३ मा १७ उम्मेदवारले मनोनयन दर्ता गराएका हुन । दुई प्रतिनिधिसभा निर्वाचन क्षेत्र रहेको अछाम क्षेत्र नं.१ मा ८ र अछाम २ मा ९ जनाले मनोनयन दर्ता गरेका छन् ।

त्यस्तै एकएक प्रतिनिधिसभा निर्वाचन क्षेत्र रहेको डोटीमा नौ, बाजुरामा आठ, बझाङमा सात, बैतडीमा १२, दार्चुलामा ११ र डडेल्धुरामा १३ जनाले मनोनयन दर्ता भएको प्रदेश निर्वाचन निमित्त प्रमुख भट्टले बताए । कूल १७ लाख १६ हजार ६६० मतदाता रहेको सुदूरपश्चिममा प्रमुख राजनीतिक दलदेखि स्वतन्त्र उम्मेदवारसम्मले मनोनयन दर्ता गराएका हुन् ।

त्यस्तै यसअघि २०७९ मा भएकोे निर्वाचनमा सुदुरपश्चिममा १६ प्रतिनिधिसभा सदस्यका लागि निर्वाचन क्षेत्रबाट एक सय ७० जना उम्मेदवार चुनावी मैदानमा होमीएका थिए । यसपटक अघिल्लो निर्वाचन भन्दा बढी उम्मेदवारले चुनावी प्रतिस्पर्धाका लागि मनोनयन दर्ता गएका हुन । 


 

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज