धादिङ १ मा आसिकासहित आठ जना चुनावी प्रतिस्पर्धामा उत्रिदै, कसैले उम्मेदवारी फिर्ता लिएनन्

काठमाडौँ । धादिङ १ मा प्रतिनिधिसभा सदस्य निर्वाचनका लागि उम्मेदवारी दिएका ८ जनाले नै चुनावी प्रतिस्पर्धामा उत्रिने भएका छन् । सोमबार मनोनयन दर्ता गराएका आठ जना उम्मेदवारनै चुनावी प्रतिस्पर्धामा उत्रिने भएका हुन ।

Watch On

प्रतिनिधिसभा सदस्य निर्वाचनका लागि उम्मेदवारी दर्ता गराएका मध्ये कुनै उम्मेदवारलाई चुनाव लड्न इच्छा नभएको खण्डमा उम्मेदवारी फिर्ता गर्न सक्ने भन्दै निर्वाचन आयोग छुटाएको समायाधिमा कुनै पनि उम्मेदवारले आफ्नो नाम फिर्ता नलिएको निर्वाचन अधिकृतको कार्यालय धादिङ १ ले जनाएको छ ।

भने अन्तिम आठजनै उम्मेदवारको अन्तिम नामावली समेत निर्वाचन अधिकृतको कार्यालयले प्रकाशन गरेको छ । यस क्षेत्रमा दलका तर्फबाट पाँच जना र स्वतन्त्रका तीन जना उम्मेदवार गरी आठ जना उम्मेदवारहरु चुनावी प्रतिस्पर्धामा होमीने भएका छन् ।

दलका उम्मेदवारमा नेपाली काँग्रेसका तर्फबाट कृष्ण प्रसाद रिजाल, राष्ट्रिय स्वतन्त्र पार्टीबाट आसिका तामाङ, राष्ट्रिय प्रजातन्त्र पार्टीका तर्फबाट गिता प्रसाद आचार्य र नेपाल किसान मज्दुर किसान पार्टीका तर्फबाट चन्द्रदेवी बासुकला र नेपाली कम्युनिष्ट पार्टी (माओवादी) तर्फबाट कुमार बहादुर तामाङ चुनावी मैदानमा रहने छन् भने, चार जना स्वतन्त्र उम्मेदवारहरुमा अजुर्नप्रसाद अर्याल, कृष्ण प्रसाद अधिकारी र केशव प्रसाद रुपाखेती रहेका छन् ।