धनगढी उडेका श्री एयरलाइन्सका यात्रु नेपालगञ्जमा अलपत्र

काठमाडौँ । काठमाडौँबाट धनगढीका लागि छुटेको श्री एयरलाइन्सको २२९ जहाज मध्यरातमा नेपालगञ्जमा अवतरण गर्दा ४० जना यात्रु अलपत्र परेका छन् ।

बिहीबार बेलुका ६ः३० बजेको टिकट लिएका यात्रु धनगढी जानका लागि विमानस्थल पुगेपनि उडानको सयम पटक पटक एयरलाइन्स कम्पनिले सार्दै रातिको ११ः२० मा धनगढीका लागि यात्रुलाई उडाएको भएपनि धनगढीमा भिजिविलिटीको कारण देखाउँदै विमान नेपालगञ्ज विमानस्थलमा अवतरण गराइएको एयरलान्स कम्पनिले जनाएको छ ।

Watch On

तर, विमान उडेको एक घण्टा ४५ मिनेटपछि नेपालगञ्ज विमानस्थलमा विमान अवतरण गरेको विमानमा सवार कैलाली गोदावरीकी महिमा चौधरीले बताइन । विमानले धनगढीमा अवतरण गर्ने प्रयास गर्दा पनि त्यो सम्भव नभएपनि नेपालगञ्ज अवतरण गरेको उनले बताइन । सयममा घर पुग्नु त परको कुरा नेपालगञ्जबाट कैलाली घर कसरी जाने भन्ने चिन्ताले सताउन थालेको उनले सुनाइन ।

विमानले न धनगढी समयमा उडायो, न गन्तव्यमा नै पुराको धनगढी क्याम्पस रोडकी दिक्षा जोशीले गुनासो गरिन । उनले भनिन्, घरको मान्छेलाई छुट्टै चिन्ता छ । जहाजले नेपालगञ्ज ल्याइपुराएको छ । मध्यरातको समय छ । खाजा त परको कुरा अहिले सम्म पानी सोधेका छैनन् । यो विमान कम्पनिको गैरजिम्मेवारी पन हो ।  त्यस्तै विमान कम्पनिले यात्रुलाई धनगढी पुराउन बसको व्यवस्थापन गर्ने जनाएको छ ।