चुनाव सार्न खोज्नेहरुलाई रविको जवाफः जनता जागेका बेला कचकच गर्न पाइदैन

काठमाडौँ । रास्वपाका सभापति रवि लामिछानेले चुनावले निकास दिँदैन भन्नेहरुका लागि जवाफ दिएका छन् । अहिले देशको समस्या समाधान चुनावको विकल्प नभएको बताउँदै उनले भने  चुनावले निकास नदिए केले दिन्छ ? 

लामिछानेले भने, ‘चुनाव गर्न हुँदैन, सार्नुपर्छ भन्ने कुरा कता कता सुनेको छु। चुनावले निकास दिँदैन भने केले दिन्छ निकास ? लोकतन्त्रमा सबैभन्दा ठुलो तागत जनताको हो, जनताले भोटबाट तागत देखाउने यो उत्सवले निकास दिन्न भने केले दिन्छ निकास ? आन्दोलने। त्यो भए म एउटा अफर दिन चाहन्छु, रोडबाट भए रोडबाट, भोटबाट भए भोटबाट आउनुस्। हामी चाहन्छौँ भोटबाट फेर्न रगतको एउटा थोपा चुहाउन चाहँदैनौँ।’

Watch On

उनले अहिले जनता जागेको बेलामा चुनावको विकल्प नभएको बताए।

उनले भने, ‘लोकतन्त्रको खतरा हेलिकप्टर चढेर भागेको छ। ल्यान्ड नहोस्। लोकतन्त्रलाई खतरा जब हुन्छ त्यो हेलिकप्टर जब सिंहदरबार वा बालुवाटार ल्यान्ड हुन्छ।’

लामिछानेले अहिले जनता जागेको समयमा अन्य दलका नेता कार्यकर्ताले कचकच नगर्न पनि चेतावनी दिएका छन् । 
उनले भने ‘जतिबेला जनता जाग्यो त्यतिबेला कचकच गर्न पाइँदैन । सबै मिले हुन्छ । रास्वपा एक्लै लड्छ । रास्वपासँग डराउनुपर्ने जो हो डराए हुन्छ जनता डराउनुपर्दैन,’ उनले भने, ‘रास्वपाले युनिभर्सिटीमा दलका ब्यानर निकालेर पढाइ मात्रै गर्न खोजेको हो ।ठेक्का लिएको बाटो समयमै निर्माण गर्ने वातावरण खोजेको हो ।’