त्रिभुवन अन्तर्राष्ट्रिय विमानस्थलबाट गाँजासहित चार भारतीय नागरिक पक्राउ

काठमाडौँ । काठमाडौँको त्रिभुवन अन्तर्राष्ट्रिय विमानस्थलबाट गाँजासहित चार जना भारतीय नागरिक पक्राउ परेका छन् ।

शुक्रवार बिहान ६ः३० बजेको एयर इन्डियाको विमानमार्फत दिल्लीबाट काठमाडौँ र एयर अरबीयाको दिल्लीदेखि बिहान ८ः८५ बजेको समयमा काठमाडौँ आएका दुई छुट्टा छुट्टै विमानमा आएका उनीहरूलाई विमानस्थलमा सादा पोशाकमा खटिएका प्रहरी र लागू औषध नियन्त्रण ब्युरोबाट खटिएको टोलीले नियन्त्रणमा लिएको हो ।

Watch On

पक्राउ पर्नेमा मोहद जुनैद, समिना अख्तार, बैग मिर्जा र अफ्सना अमिर हुस्सेन रहेको प्रहरीले जनाएको छ । दिल्लीबाट आएका मोहद जुनैदको साथबाट तिन किलो ८७० ग्राम प्रतिबन्धित आगू औषध गाँजा बरामद गरिएको प्रहरीले जनाएको छ ।

त्यस्तै, एयर अरबीयाको विमान मार्फत सारजहाबाट आएका अफ्सना अमिर हुस्सेन सेख र समिना अख्तार बैग मीर्जाको साथबाट सात केजी ४ सय ग्राम प्रतिबन्धित आगू औषध गाँजा बरामद गरिएको हो ।

त्यस्तै शुक्रवार १ः१५ बजे मलेशियन एयर को उडानद्वारा थाईल्याण्डबाट मलेसिया हुदै काठमाडौँ आएका भारतीय नागरिक शाहजेब अहमेद चेकजाँच गर्ने क्रममा गाँजा लुकाई छिपाई लैजान लागेको अवस्थामा तीन किलो ३ सय ग्राम गाँजासहित नियन्त्रणमा लिएको  प्रहरीले जनाएको छ ।

शुक्रवार पक्राउ परेका उनीहरू चारै जनालाई नियन्त्रणमा लिएर थप आवश्यक अनुसन्धान थालिएको प्रहरीले जनाएको छ ।