चिया पसलदेखि चोक–चोकसम्म चुनावी छलफल, मत परिवर्तनको चर्चा

कपिलवस्तु। भोट हाल्ने दिन आउन ९ दिन बाँकी रहँदा चुनावले नछोएको को होला र ? किसानदेखि उद्योगीसम्म, विद्यार्थिदेखि पेशाकर्मीसम्म सबै सबैलाई चुनाव लागेको छ। कसैलाई भोट माग्नु छ, कसैलाई भोट तान्नु छ, सबैलाई आ आफ्नै चटारो छ।

चिनेजानेका हुन् वा पहिलोपटक भेटिएका, दुई जनामात्रै भेटिए पनि कुरा सुरु भइहाल्छ, चुनावको।

Watch On

सिधाकुराको टिम कपिलवस्तुको बाणगंगा नगरपालिका २ पिपरास्थित एक चियापसलमा पुग्दा चुनावकै कुरा भइरहेको छ। सिधाकुरा पनि त्यहीँ मिसियो र धारणा बुझ्ने प्रयास गर्यो ।

स्थानीय राजनीतिकर्मी बुद्धिजीवी, अगुवा, उद्योगीदेखि पेशाकर्मीहरुसँग सिधाकुराले गरेको चिया कुराकानीमा सहभागी अधिकांशले आफ्नो कुरा खुलेरै राखे। कुनैबेला आरोप–प्रत्यारोप चल्थ्यो, दलका कार्यकर्ताहरुका बीचमा मारमार नै चल्थ्यो, तर, अहिले सौहाद्र्रपूर्ण रुपमा छलफल हुन्छ, आफ्नो कुरा सबैले ढुक्कसँग राख्छन्, अरुलाई ‘कन्भिन्स’ गर्न खोज्छन्, सके ‘कन्भिन्स’ गर्छन्, नसके गाली गर्दैनन्, हामीले यस्तै देख्यौं।

सहरदेखि गाउँसम्मका चियापसलदेखि चोक चोकसम्म पुगेर कुरा गर्दा कतिपयमा हामीले मत परिवर्तनको कुरा पायौं। विगत लामो समयदेखि शासन सत्ता सम्हालेका दल र नेताले अपेक्षित विकास गर्न सकेनन्, जनचाहना बुझ्न सकेनन् र जसका कारण मुलुकमा जेनजी आन्दोलन भयो, अब देशलाई परिवर्तन गर्नुपर्छ, त्यसको सुरुवात आफ्नै मतबाट गर्नुपर्छ– परिवर्तन पक्षधरको बुझाइ अनि भनाइ थियो।