समाज

सिंहदरबार जलाउने प्रवृत्ति भएकाहरू विभिन्न बहानामा निर्वाचनमा सामेल छन्: प्रचण्ड

सिधाकुरा

शनिबार, फागुन १६, २०८२

सिंहदरबार जलाउने प्रवृत्ति भएकाहरू विभिन्न बहानामा निर्वाचनमा सामेल छन्: प्रचण्ड

काठमाडौँ । जेनजी युवाहरूको हत्या गर्ने प्रवृत्ति र अर्को तर्फ सिंहदरबार जलाउने प्रवृत्ति भएकाहरू विभिन्न बहानामा यस निर्वाचनमा सामेल भएको नेपाली कम्युष्टि पार्टीका संयोजक पुष्पकमल दाहालले बताएका छन् ।

शनिवार कपिलवस्तु कृष्ण नगरमा आयोजित चुनावी सभालाई सम्बोधन गर्दै प्रचण्डले निर्वाचनमा राष्ट्रको एकतालाई प्रवर्द्धन गर्न चाहने शक्ति र राष्ट्रलाई सङ्कटमा धकेल्ने प्रवृत्ति समेत अहिले चुनावी प्रतिस्पर्धामा रहेको धारणा व्यक्त गरेका थिए ।

Watch On

राष्ट्र बचाउने र राष्ट्रिय एकताको पक्षमा दृढतापूर्वक उभिने शक्तिलाई मतदान गर्ने या अरूलाई भन्ने एउटा अहम् प्रश्न मतदाताको अगाडी रहेको उनले बताए ।

उनले भने, 'एकातिर जेनजी युवाहरूको हत्या गर्ने प्रवृत्ति र अर्को तर्फ सिंहदरबार देखी देशका धरोहर जलाउने प्रवृत्ति पनि यो निर्वाचनमा प्रक्रियामा विभिन्न बहाना र तर्कमा प्रतिस्पर्धामा छन् । अहिले राष्ट्र बचाउने शक्तिलाई राष्ट्र एकताको पक्षमा उभिने शक्तिलाई मतदान गर्ने या अरूलाई मतदान गर्ने भन्ने अहम् प्रश्न तपाई हाम्रो अगाडी छ ।'

त्यस्तै प्रचण्डले मुलुकमा निर्वाचन हुने अवस्था सिर्जना हुनु नेकपाका लागि निकै गर्वको विषय भएको भन्दै पार्टीको पक्षमा राम्रै नजिता आउने दाबी गरे ।

प्रकाशित मिति: शनिबार, फागुन १६, २०८२

प्रतिक्रिया दिनुहोस्