नेभिगेशन
समाज

अपराधमा संलग्न ३५ जनाको प्रोफाइल तयार

कात्तिकमा ११८ अपराधका उजुरी, १२२ जना पक्राउ

वीरगञ्ज । पर्सा प्रहरीले आपराधिक पृष्ठभूमि भएका ३५ जनाको प्रोफाइल तयार गरेको छ। विगतमा विभिन्न अपराधमा संलग्न भएका व्यक्तिको गतिविधि निगरानी तथा अपराध न्यूनीकरण गर्ने उद्देश्यले प्रहरीले उनीहरूको प्रोफाइल तयार गरेको हो।

Watch On

Facebook Tiktok Youtube Instagram Twitter

जिल्ला प्रहरी कार्यालय पर्साका अनुसार अपराध नियन्त्रण र शान्तिसुरक्षा कायम गर्न जिल्लाभर निगरानी बढाइएको छ। प्रहरीले सिसिटिभी, क्युआर तथा डिजिटल प्रविधिको प्रयोग, सामाजिक सञ्जाल निगरानी, गोप्य सूचना सङ्कलन र नियमित गस्तीलाई तीव्र बनाएको जनाएको छ।

Marvel
Extreme Energy

जिल्ला प्रहरी कार्यालयका प्रवक्ता प्रहरी नायब उपरीक्षक चक्रबहादुर मल्लका अनुसार गत कात्तिक महिनामा जिल्लामा विभिन्न प्रकृतिका ११८ वटा अपराधका घटना दर्ता भएका छन्। ती घटनामा संलग्न तथा विभिन्न मुद्दाका फरार र प्रतिवादी गरी १२२ जना पक्राउ परेका छन्।

कात्तिकमा सबैभन्दा धेरै आर्थिक अपराधका ४९ वटा घटना दर्ता भएका छन्। त्यस्तै सङ्गठित तथा सामाजिक अपराधका २२, ज्यानसम्बन्धी ११, आत्महत्याका आठ, चोरीका आठ, बालबालिकासम्बन्धी चार, सवारी ज्यानका दुई र अन्य प्रकृतिका १४ घटना दर्ता भएका छन्।

सोही अवधिमा अदालतबाट फैसला भई कार्यान्वयन हुन बाँकी मुद्दाका ८५ जना पक्राउ परेका छन्। अदालतको फैसलाअनुसार उनीहरूबाट ३२ लाख सात हजार ६३२ रुपैयाँ जरिवाना असुल गर्न बाँकी रहेको प्रहरीले जनाएको छ।

प्रहरीका अनुसार कात्तिकमा कर्तव्य ज्यान र हातहतियारसम्बन्धी एक–एक, बैंकिङ कसुरका १४ तथा ठगी र मुद्रासम्बन्धी दुई–दुई घटना दर्ता भएका छन्।

यसैबीच, लागुऔषध नियन्त्रण अभियानअन्तर्गत प्रहरीले एक महिनामा १४ वटा मुद्दा दर्ता गरी १७ जनालाई पक्राउ गरेको छ। उनीहरूको साथबाट ३८ ग्राम गाँजा, ६५ ग्राम ८५८ मिलिग्राम ब्राउनसुगर र १४ ग्राम ६४० मिलिग्राम चरेस बरामद भएको छ।

त्यस्तै नाइट्राजेपाम ट्याब्लेट, बुप्रेनोर्फिनका २८ एम्पुल, डाइजेपामका ३७ एम्पुल र प्रोमेथाजिन हाइड्रोक्लोराइडका १९ एम्पुल पनि बरामद गरिएको प्रहरीको विवरणमा उल्लेख छ।

लागुऔषध दुरुपयोग नियन्त्रण तथा सचेतनाका लागि प्रहरीले एक महिनामा ३१ वटा कार्यक्रम सञ्चालन गरेको थियो। ती कार्यक्रममा ५१४ जनालाई सहभागी गराएर सचेतना दिइएको प्रहरीले जनाएको छ।

अपराध नियन्त्रणका लागि प्रहरीले मोबाइल क्विक रेस्पोन्स टोलीसमेत परिचालन गरेको छ। सीमा क्षेत्रमा निगरानी बढाउनुका साथै रात्रिकालीन समयमा वरिष्ठ प्रहरी अधिकृतको कमान्डमा चेकजाँच गर्ने व्यवस्था मिलाइएको प्रवक्ता मल्लले बताए।

प्रहरीले प्रविधिको प्रयोग र निगरानीसँगै आपराधिक पृष्ठभूमि भएका व्यक्तिको गतिविधि पहिचान गर्न प्रोफाइल तयार पार्ने कामलाई पनि अघि बढाएको जनाएको छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
बालेनको भारत भ्रमणबारे संयुक्त वक्तव्य पर्खिने बास्कोटाको भनाइ

बालेनको भारत भ्रमणबारे संयुक्त वक्तव्य पर्खिने बास्कोटाको भनाइ

नेकपा एमालेका नेता गोकुल बास्कोटाले प्रधानमन्त्री बालेन्द्र शाहको भारत भ्रमणको उपलब्धि दुई देशको संयुक्त वक्तव्यबाट स्पष्ट हुने बताएका छन्।
पहिलो संस्करणमै एपीएफलाई धरान महिला गोल्डकपको उपाधि

पहिलो संस्करणमै एपीएफलाई धरान महिला गोल्डकपको उपाधि

विभागीय टोली सशस्त्र प्रहरी बल (एपीएफ) फुटबल क्लबले प्रथम धरान अन्तर्राष्ट्रिय आमन्त्रण महिला गोल्डकप फुटबल प्रतियोगिताको उपाधि जितेको छ।
अमेरिकी कृषि मन्त्रालयको भुक्तानी प्रणालीमा ह्याकरको पहुँच

अमेरिकी कृषि मन्त्रालयको भुक्तानी प्रणालीमा ह्याकरको पहुँच

अमेरिकाको कृषि मन्त्रालय (यूएसडीए) को किसानलाई भुक्तानी गर्ने प्रणालीमा ह्याकरहरूले पहुँच बनाएका छन्।
चिसो बढेपछि सगरमाथा क्षेत्रबाट फर्किने पर्यटक दोब्बरभन्दा बढी

चिसो बढेपछि सगरमाथा क्षेत्रबाट फर्किने पर्यटक दोब्बरभन्दा बढी

हिउँदको चिसो बढ्दै गएपछि सगरमाथा क्षेत्रबाट बाहिरिने पर्यटकको सङ्ख्या बढेको छ। पछिल्लो एक सातामा खुम्बु क्षेत्रमा प्रवेश गर्नेभन्दा बाहिरिने पर्यटकको सङ्ख्या दोब्बरभन्दा बढी देखिएको छ।