नेभिगेशन
समाज

मध्यपूर्वमा रहेका नेपालीलाई प्रधानमन्त्रीको सन्देश, ‘सरकार तपाईंहरुकै साथमा छ’

काठमाडौँ । प्रधानमन्त्री सुशीला कार्कीले मध्यपूर्वी क्षेत्रमा रहेका सबै नेपालीहरुको सुरक्षामा सरकार कटिबद्ध रहेको बताएकी छिन् । 

आज देशवासीको नाममा सम्बोधन गर्दै प्रधानमन्त्री कार्कीले मध्यपूर्वी क्षेत्रमा उत्पन्न तनावले सरकारलाई चिन्तित बनाएको बताइन् । उनले त्यस क्षेत्रका नेपालीहरुको सुरक्षामा कुनै कमजोरी हुन नदिइने पनि प्रतिबद्धता व्यक्त गरिन् । 

Watch On

Facebook Tiktok Youtube Instagram Twitter

उनले सम्बोधनमा भनेकी छिन्– आज संसारको अर्को कुनामा, मध्यपूर्वी क्षेत्रमा युद्धको संकट गहिरिएको छ। इरान र वरपरको तनावले हामीलाई चिन्तित बनाएको छ।’ प्रधानमन्त्री कार्कीले विकसित घटनाक्रमलाई नेपाल सरकारले सूक्ष्म रूपमा नियालिरहेको बताइन् । उनले भनिन्– ‘त्यहाँ रहनुभएका हाम्रा नेपाली दाजुभाइ, दिदीबहिनी र युवाहरूको सुरक्षा हाम्रो ठूलो चासोको विषय हो।’ 

Marvel
Extreme Energy

‘त्यस क्षेत्रमा रहेका सबै नेपाली नियोगहरूलाई सुरक्षा सहजीकरणमा कुनै कमी हुन नदिन सक्रिय बनाइएको छ र परराष्ट्र मन्त्रालयले सघन अनुगमन गरिरहेको छ’, उनले सम्बोधनमा भनेकी छिन्– ‘हामी हरदम तपाईँहरूको साथमा छौँ। नेपाली जहाँ रहे पनि प्रत्येक नागरिकको व्यक्तिगत सुरक्षा र हितको रक्षामा यो सरकार कटिबद्ध छ।’

अमेरिका र इजरायलले गत शनिबार बिहानै इरानमा आक्रमण थालेपछि अहिले मध्यपूर्णका आधा दर्जन देश युद्धको चपेटामा परेका छन्। यूएईमा एक नेपालीको मृत्यु भइसकेको सार्वजनिक भएको छ । मध्यपूर्वमा करिव बीस लाख नेपाली रहेको अनुमान छ।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

भारतको मणिपुरमा विषाक्त मदिरा सेवनबाट मृत्यु हुनेको संख्या १६ पुग्यो, ६०० उपचाररत

भारतको उत्तरपूर्वी राज्य मणिपुरमा विषाक्त मदिरा सेवनका कारण मृत्यु हुनेको संख्या १६ पुगेको छ । घटनामा बिरामी परेका करिब ६०० जना विभिन्न अस्पतालमा उपचाररत रहेको अधिकारीहरूले बताएका छन्...
माछा मार्ने क्रममा करेन्ट लागेर राईको मृत्यु

माछा मार्ने क्रममा करेन्ट लागेर राईको मृत्यु

झापाको कमल गाउँपालिका–१ शुक्रबारेस्थित किस्ने खोलामा माछा मार्ने क्रममा करेन्ट लागेर स्थानीय गोपाल राईको मृत्यु भएको छ ।
कोरला नाकाबाट  भित्रियो चार महिनामा सात हजार विद्युतीय सवारीसाधन

कोरला नाकाबाट भित्रियो चार महिनामा सात हजार विद्युतीय सवारीसाधन

नेपाल–चीन सीमा कोरलानाबाट चालु वर्षको पहिलो चार महिनामा सात हजार विद्युतीय सवारीसाधन (इभी) नेपाल भित्र्याइएको छ ।