समाज

मध्यपूर्वमा रहेका नेपालीको उद्दार गर्न परराष्ट्र मन्त्रालयद्वारा आपतकालीन उद्धार टोली गठन

सिधाकुरा

मंगलबार, फागुन १९, २०८२

मध्यपूर्वमा रहेका नेपालीको उद्दार गर्न परराष्ट्र मन्त्रालयद्वारा आपतकालीन उद्धार टोली गठन

काठमाडौँ । परराष्ट्र मन्त्रालयले मध्यपूर्वमा रहेका नेपालीहरुको सुरक्षाका साथै उद्दारका लागि समन्वय गर्न आपतकालीन उद्धार टोली गठन गरेको छ ।

परराष्ट्र मन्त्रालयमा आयोजित पत्रकार सम्मेलनमा मन्त्रालयको मध्य एसिया, पश्चिम एसिया तथा अफ्रिका महाशाखा प्रमुख रामकाजी खड्काले परराष्ट्र सचिवको संयोजकत्वमा बहु–सरोकारवाला आपतकालीन उद्धार टोली(इमरजेन्सी रेस्पोक्स टीम) गठन गरिएको जानकारी दिए ।

Watch On

सरकोरवाला निकायहरूबीच अन्तरनिकाय समन्वय गर्ने, उद्धारको लागि आवश्यक र उपयुक्त कदम चाल्न सरकारलाई सुझाव दिने तथा अन्तर्राष्ट्रिय संस्थाहरूसँग समन्वय गर्ने लगायतको प्रयोजनको लागि आपतकालीन उद्धार टोली गठन भएको उनले बताए । उनले मध्यपूर्वमा भएको पछिल्लो घटनाक्रमका सन्दर्भमा नेपाली नागरिकको सुरक्षाको प्रत्याभूतिको लागि उच्च महत्व दिइरहेको जानकारी सम्बन्धीत देशका दूतावासबाट जानकारी हुन आएको उल्लेख गरे ।

खड्काले बिभिन्न बिमानस्थलको ट्रान्जिटमा करिव एक हजारको संख्यामा नेपाली नागरिक रहेको हुन सक्ने भन्दै उनीहरुको सम्बन्धीत एयरलाइन्सहरुले व्यवस्थापन गरिरहेको बताए । ट्रान्जिटमा रहेका नेपालीहरुलाई नेपाल ल्याउने अथवा अन्यत्र कसरी पठाउने भन्ने बिषयमा सम्बन्धीत एयरलाईन्सले नै त्यसको जिम्मा लिनुपर्ने उनले बताए ।

प्रकाशित मिति: मंगलबार, फागुन १९, २०८२

प्रतिक्रिया दिनुहोस्