समाज

रास्वपा सभापति रवि लामिछानेले महाँकालबाट गरे मतदान

सिधाकुरा

बिहीबार, फागुन २१, २०८२

रास्वपा सभापति रवि लामिछानेले महाँकालबाट गरे मतदान

काठमाडौँ । राष्ट्रिय स्वतन्त्र पार्टी (रास्वपा)का सभापति रवि लामिछानेले काठमाडौँ–३ को उपत्यका खानेपानी लिमिटेडको महाँकालचौरबाट मतदान गरेका छन् ।

मतदानपछि लामिछानेले मतपेटीका ढोगेका थिए ।
लामिछानेको स्थायी ठेगाना महाँकाल हो । उनी चितवन २ बाट उम्मेदवार रहेका छन् । मतदान गरेसँगै आफु उम्मेदवार भएको चितवन जाँदै छन् ।

Watch On

बिहान ७ बजेबाट देशैभर मतदान सुरु भएको छ । मतदाताहरु मतदानका लागि नजिकको मतदान केन्द्रमा लाम बस्न थालेका छन् ।

निर्वाचन आयोगले बिहान ७ बजेदेखि साँझ ५ बजेसम्म मतदानको व्यवस्था गरेको छ ।

यसपटकको निर्वाचनमा ९६ लाख ६३ हजार ३ सय ५८ पुरुष, ९२ लाख ४० हजार १ सय ३१ महिला र २ सय अन्य गरी एक करोड ८९ लाख तीन हजार ६ सय ८९ मतदाता छन् ।

यस्तै, एक लाख ८६ हजार १ सय ४२ अस्थायी मतदाता कायम भएको निर्वाचन आयोगले जनाएको छ ।

निर्वाचनका लागि देशभर १० हजार ९ सय ६७ मतदानस्थलमा २३ हजार १ सय १२ मतदान केन्द्र निर्धारण गरिएका छन् ।

यस्तै, १ सय ४३ अस्थायी मतदानस्थल तय गरिएका छन् । ज्येष्ठ नागरिक, अपाङ्गता भएका व्यक्ति तथा अशक्त र गर्भवतीलगायतलाई सहज मतदानका लागि प्राथमिकता दिने व्यवस्था गरिएको निर्वाचन आयोगले जनाएको छ ।

प्रकाशित मिति: बिहीबार, फागुन २१, २०८२

प्रतिक्रिया दिनुहोस्