समाज

रास्वपाका वरिष्ठ नेता बालेन शाहले सिनामंगलबाट गरे मतदान

सिधाकुरा

बिहीबार, फागुन २१, २०८२

रास्वपाका वरिष्ठ नेता बालेन शाहले सिनामंगलबाट गरे मतदान

काठमाडौँ । राष्ट्रिय स्वतन्त्र पार्टी (रास्वपा)का वरिष्ठ नेता बालेन्द्र शाह (बालेन)ले मतदान गरेका छन् । उनले काठमाडौंको सिनामंगलस्थित अन्नपूर्ण इंग्लिस स्कूलमा रहेको मतदान केन्द्रमा मतदान गरेका हुन् ।

उनी रास्वपाबाट झापा–५ को उम्मेदवार छन् । बिहान साढे ७ बजे मतदान गरेका उनी आजै आफ्नो उम्मेदवारी भएको निर्वाचन क्षेत्र झापा ५ जाँदै छन् ।

Watch On

बिहान ७ बजेबाट देशैभर मतदान सुरु भएको छ । मतदाताहरु मतदानका लागि नजिकको मतदान केन्द्रमा लाम बस्न थालेका छन् ।

निर्वाचन आयोगले बिहान ७ बजेदेखि साँझ ५ बजेसम्म मतदानको व्यवस्था गरेको छ ।

यसपटकको निर्वाचनमा ९६ लाख ६३ हजार ३ सय ५८ पुरुष, ९२ लाख ४० हजार १ सय ३१ महिला र २ सय अन्य गरी एक करोड ८९ लाख तीन हजार ६ सय ८९ मतदाता छन् ।

यस्तै, एक लाख ८६ हजार १ सय ४२ अस्थायी मतदाता कायम भएको निर्वाचन आयोगले जनाएको छ ।

निर्वाचनका लागि देशभर १० हजार ९ सय ६७ मतदानस्थलमा २३ हजार १ सय १२ मतदान केन्द्र निर्धारण गरिएका छन् ।

यस्तै, १ सय ४३ अस्थायी मतदानस्थल तय गरिएका छन् । ज्येष्ठ नागरिक, अपाङ्गता भएका व्यक्ति तथा अशक्त र गर्भवतीलगायतलाई सहज मतदानका लागि प्राथमिकता दिने व्यवस्था गरिएको निर्वाचन आयोगले जनाएको छ ।

प्रकाशित मिति: बिहीबार, फागुन २१, २०८२

प्रतिक्रिया दिनुहोस्