समाज

जुम्लामा एक हजार २७७ किशोरीलाई एचपिभी खोप दिने

सिधाकुरा

बिहीबार, चैत ५, २०८२

जुम्लामा एक हजार २७७ किशोरीलाई एचपिभी खोप दिने

file photo

काठमाडौँ । जुम्लामा लक्षित समूहका एक हजार २७७ जना किशोरीलाई पाठेघरको मुखमा हुने क्यान्सर रोकथामका लागि ह्युमन प्यापिलोमा भाइरस (एचपिभी)विरुद्ध खोप दिने तयारी भएको छ ।

जिल्लास्थित जनस्वास्थ्य सेवा कार्यालयका अनुसार यही चैत ९ र १० गते दुई दिनसम्म जिल्लाभरका सबै स्थानीय तहमा खोप अभियान सञ्चालन गर्न लागिएको हो ।

Watch On

राष्ट्रिय खोप कार्यक्रमअन्तर्गत यहाँका आठ वटै स्थानीय तहका कक्षा ६ का एक हजार १६५ र विद्यालय नजाने १० वर्ष उमेरका ११२ गरी एक हजार २७७ जनालाई एचपिभी खोप दिने तयारी भएको जनस्वास्थ्य कार्यालयका प्रमुख किरणकुमार शर्माले जानकारी दिए । उनका अनुसार खोप सञ्चालनका लागि ८४ वटा खोप केन्द्र कायम गरिएको छ ।

उक्त अभियानमा चन्दननाथ नगरपालिकामा २७७, तातोपानी गाउँपालिकामा १६४, गुठिचौरमा ७७, पातारासीमा २२१ जना छात्रालाई एचपिभी खोप दिने कार्यालय प्रमुख शर्माले जानकारी दिए ।

त्यसैगरी तिला, हिमा, सिञ्जा र कनकासुन्दरी गाउँपालिकाका ५३८ जनालाई खोप दिने उनले बताए । खोप अभियान विद्यालयमा कक्षा ६ मा अध्ययन गर्ने छात्रा र विद्यालय नजाने १० वर्षका किशोरीलाई लक्षित गरेर सञ्चालन गरिएको जनस्वास्थ्य सेवा कार्यालय जुम्लाले जनाएको छ ।

प्रकाशित मिति: बिहीबार, चैत ५, २०८२

प्रतिक्रिया दिनुहोस्

सिफारिस

रास्वपाका युधिष्ठिर बने देशको सभामुख

रवि–बालेनले फिर्ता पाएको विपीबाट खोसिएको सुनौलो अवसर !

बालेन यसरी बन्नेछन् रास्वपा दलको नेता अनि प्रधानमन्त्री

रवि–बालेनको बाटो, सिंहदरबारबाटै शासन

रवि–बालेन सम्बन्धको गाँठो कति कसिलो ?

सिधाकुरा

The Reporter

Current Affairs

Sidhakura Investigation

थप समाज

आजको मौसमः लुम्बिनी, कर्णाली, सुदूरपश्चिम प्रदेशमा वर्षाको सम्भावना

लुम्बिनी, कर्णाली र सुदूरपश्चिम प्रदेशलगायत बाँकी प्रदेशको हिमाली र पहाडी भूभागका केही स्थानहरूमा मेघगर्जन–चट्याङसहित मध्यमसम्मको वर्षा–हिमपात साथै बाँकी तराई भूभागका थोरै स्थानहरूमा मेघगर्जन–चट्याङसहित हल्का वर्षाको सम्भावना रहेको जल... बिहीबार, वैशाख २४, २०८३