रास्वपा सभापति लामिछानेले सभामुख अर्याललाई दिए बधाई

काठमाडौं । राष्ट्रिय स्वतन्त्र पार्टीका सभापति रवि लामिछानेले उपसभापति डोलप्रसाद अर्याल व्यवस्थापिकाको सर्वोच्च पद प्रतिनिधि सभाको सभामुखमा निर्विरोध निर्वाचित भएकोमा बधाई दिँदै सफल कार्यकालको शुभकामना दिएका छन् ।

सभापति लामिछानेले आज एक विज्ञप्ति जारी गर्दै अर्यालको कार्यकालमा संसदीय अभ्यास थप सुदृढ हुने विश्वास पनि व्यक्त गरेका छन् ।

Watch On

सभापति लामिछानेले नवनिर्वाचित सभामुखले संसद्को गरिमा, मर्यादा र प्रभावकारिता कायम राख्दै निष्पक्ष, सन्तुलित र उत्तरदायी ढंगले भूमिका निर्वाह गर्ने प्रतिबद्धता व्यक्त गरेको उल्लेख गर्दै विज्ञप्तिमा भनेका छन्–‘सदनको कामकारबाहीलाई थप चुस्त, प्रभावकारी र परिणाममुखी बनाउँदै संसदीय अभ्यासलाई सुदृढ गर्ने दिशामा उहाँले आफ्नो तर्फबाट कुनै कसर बाँकी नराख्नु हुनेमा म विश्वस्त छु।’

त्यस्तै, अर्याललाई निर्विरोध सभामुख चयन गर्न सहयोग पु¥याउने सबै राजनीतिक तथा सांसदहरुलाई सभापति लामिछानेले धन्यवाद दिएका छन् ।

‘सभामुख पदलाई साझा व्यक्तित्वका रूपमा स्थापित गर्ने संसदीय परम्परा अनुरूप उम्मेदवारी दिएदेखि नै उहाँले पार्टीका जिम्मेवारीबाट अलग रहँदै उच्च राजनीतिक नैतिकता र संस्थागत प्रतिबद्धता प्रदर्शन गर्नुभएको थियो।’ लामिछानेले भनेका छन्– ‘यस ऐतिहासिक अवसरमा, सभामुखको हैसियतमा उहाँले निष्पक्षता, पारदर्शिता, विधिको शासन तथा संस्थागत मर्यादालाई केन्द्रमा राख्दै सफल र उदाहरणीय कार्यकाल प्रदान गर्नु हुनेछ भन्ने विश्वास व्यक्त गर्दछु।’