समाज

युद्धग्रस्त खाडीबाट ८८ हजार नेपालीले खोजे नेपाल सरकारको साथ

सिधाकुरा

सोमबार, चैत २३, २०८२

युद्धग्रस्त खाडीबाट ८८ हजार नेपालीले खोजे नेपाल सरकारको साथ

काठमाडौँ । परराष्ट्रमन्त्री शिशिर खनालले मध्यपूर्वको युद्धका कारण समस्यामा परेका नेपालीलाई स्वदेश फर्काउन सरकार गम्भीर रहेको बताएका छन् ।

सोमबार संसद भवन सिंहदरबारमा सञ्चारकर्मीहरुसंग कुरा गर्दैै मन्त्री खनालले मध्यपूर्वको युद्धका कारण कुनै नेपालीलाई समस्या परे स्वदेश फर्काउन सरकारले सहजीकरण लगाएतका कामहरु गम्भीरतापूर्वक गरिरहेको बताएका हुन् ।

Watch On

उनले सहजीकरणका लागि ८८ हजार भन्दा बढिको नाम संकलन भएको जानकारी दिदै तुरुन्त नेपाल आउनुपर्ने परिस्थितिलाई हेरेर आवश्यक काम गरिरहेको बताए ।

अहिले युद्धका कारण नभइ नेपालीहरुको भिसा, कामको छुट्टी लगाएतका नियमित किसिमका समस्याका कारणह? देखिएको उनको भनाइ छ ।

परराष्ट्रमन्त्री खनालले युद्धकै कारणले अथवा असुरक्षाको कारणले स्वदेश फर्कनुपर्ने दबाव नदेखिएको उल्लेख गरे । मध्यपूर्वको युद्धका कारण हाल पेट्रोलियम पदार्थमा भएको मूल्यबृद्धिकै कारण सार्वजनिक निकायमा छुट्टी दिने निर्णय भएको जानकारी दिदै मन्त्री खनालले आगामी दिनमा देखिन सक्ने अन्य समस्याका बारेमा अध्ययन भइरहेको बताए ।

साथै उनले यस बर्ष मलखादको समस्या पनि देखिन सक्ने भएकाले पूर्व तयारीका लागि समेत सुझावका साथ प्रतिवेदन तयार पारेर मंगलबारसम्म मन्त्रिपरिषद्मा बुझाइने जानकारी दिए ।

प्रकाशित मिति: सोमबार, चैत २३, २०८२

प्रतिक्रिया दिनुहोस्