मिटरब्याजीले पीडितलाई अदालतमै कुटे, रातभर चिसो धर्ना बसेपछि मात्रै प्रहरीले उजुरी लियो
सिराहा । न्यायका लागि अदालत पुगेका दुई पीडितलाई मिटरब्याजी श्याम निरौलाले जिल्ला अदालत सिरहामै मिटर ब्याज पीडितलाई कुटपिट गरेका छन् । बुधवार मिटरब्याजी निरौलाले अदालतमै पीडितद्वय रौदी यादव र सुकुमारी साहलाई कुटपिट गरेका थिए ।
घटनापछि निरौलालाई पक्राउ गरी कारबाही गर्न मिटर ब्याज पीडितहरूले माग गरेका छन् । तर प्रहरी प्रसाशनले सुनुवाई नगरेको भन्दै उनिहरुले रातभर धर्ना दिएका छन् ।
उनीहरू रातभर जिल्ला प्रहरी कार्यालय अगाडी कठाङ्ग्रिँदो चिसोमा खुल्ला आकाश मुनी धर्ना बसेका थिए । अहिले भने मिटरब्याजी निरौलाविरुद्द उजुरी दर्ता भएको छ ।
निरौलामाथि पीडित ककुलतीदेवी यादवले दिएको ‘अपमानजनक अमानवीय सम्बन्धी कसुर’ शीर्षकमा जाहेरी जिल्ला प्रहरी कार्यालयमा दर्ता भएपछि धर्ना स्थगित भएको छ ।
सिराहा विष्णुपुर गाँउपालिका १ निरौला विरुद्ध मिटर ब्याज सम्बन्धी ३२ वटा उजुरी परेका छन् । उनि यस अघि पनि मिटर ब्याज मुद्धामा पक्राउ परेर ३५ दिन थुनामा बसेका थिए । यसै मुद्दामा पक्राउ परी गत असारमा तीन लाख धरौटीमा रिहा उनी रिहा भएका थिए । सोही मुद्दाको बकपत्रका लागि अदालत गएका पीडितहरूमाथि कुटपिट भएको हो ।
घटनापछि प्रहरीले निरौलालाई पक्राउ गरेर ल्याएपनि केही बेरमै छाडिदिएपछि पीडितहरू आक्रोशित छन् ।
भर्खरै
- मन्त्री राजकुमार गुप्ताको घुस ‘डिल’ प्रकरणपछि सत्तामा नैतिक संकट, बर्खास्तको माग
- काठमाडौँ महानगरले आज २५ अर्ब हाराहारीको बजेट ल्याउने
- आज आदिकवि भानुभक्तको २१२औँ जन्मजयन्ती
- प्रतिनिधिसभाको बैठक बस्दै
- काठमाडौंबाट दाङ जाँदै गरेको बस कपिलवस्तुमा दुर्घटना
- आजको मौसमः कोशी, बागमती, गण्डकी र कर्णाली प्रदेशमा भारी वर्षाको पूर्वानुमान
- त्रिवि शिक्षण अस्पतालको आकस्मिक कक्षमा १५ शय्या थप
- न्यायाधीशलाई मोसो छ्याप्ने नेकपा बहुमतका कार्यकर्तालाई पार्टीले गर्यो सम्मान
