गृहमन्त्री सुधनको सम्पत्तिः ६१ लाख नगद, ८७ हजार कित्ता सेयर

काठमाडौँ । प्रधानमन्त्री तथा मन्त्रीहरुको सम्पत्ति विवरण सार्वजनिक भएको छ । सार्वजनिक विवरण अनुसार 

गृहमन्त्री सुधन गुरुङको नाममा धनकुटा, चितवन र गोरखामा जग्गा रहेको छ । प्रधानमन्त्री तथा मन्त्रिपरिषद्को कार्यालयको विवरण अनुसार चितवनको भरतपुरमा १८ मा ३० काठ्टा र गोरखाको चुमनुब्री ३ मा २२१ रोपनी जग्गा रहेको छ ।

Watch On

त्यसैगरी धनकुटाको कार्कीछापमा १९ रोपनी जग्गा रहेको छ । गुरुङसँग ८९ तोला सुन रहेको छ । गुरुङको सम्पत्ति विवरण अनुसार ६ किलो चाँदी रहेको छ भने नगद करिब ६० लाख रहेको छ ।

उनले देखाएको विवरण अनुसार नबिल बैंकमा ५६ लाख २५ हजार ९७६ रुपैयाँ, लक्ष्मी सनराई बैंकमा ५ लाख ३५ हजार ४ सय र सानिमा बैंकमा १ हजार ५७४ रुपैयाँ रहेको छ । यो नगद आम्दानीको स्रोत भने उल्लेख गरेका छैनन् । सुनमा भने पैत्रिक सम्पत्ति भनेका छन् ।

मन्त्री गुरुङसँग सेयर पनि निकै रहेको छ । उनले गरेको लगानी अनुसार होप होल्डिङमा उनको ३० हजार कित्ता अर्थात ३० लाख रुपैयाँ बराबरको सेयर रहेको छ । यो सेयर उनले व्यावसाय र पैत्रिक भनेर उल्लेख गरेका छन् ।

त्यसैगरी, उनले अगुम प्रिमियमा ५७ हजार कित्ता सेयर ५७ लाख रुपैयाँको सेयर रहेको छ । उनले सेयर कारोबार हुन रकम भनेर २ करोड ७४ लाख ५६ हजार रुपैयाँ रहेको पनि उल्लेख गरेका छन् ।

सम्पत्ति विवरण अनुसार गुरुङसँग ४७ लाख ९९ हजार रुपैयाँमा किनेको एमजी गाडी पनि रहेको छ । यो गाडी भने लगुम प्रिमियम अपार्टमेन्टको नाम रहेको छ ।

प्रधानमन्त्री तथा मन्त्रीहरुको सम्पत्ति विवरण विवरण हेर्न यहाँ क्लिक गर्नुहोस् ।