अनेरास्ववियुको कार्यालयमा समाजकल्याण परिषद्को तालाः ऋषि धमलाले ७३ लाख तिरेनन्, अरुले कति ?

काठमाडौँ । समाज कल्याण परिषद् मातहत रहेको भृकुटीमण्डप भित्रको संरचना भाडामा लिई करिब ८ करोड बक्यौता नबुझाउने २० संघ, संस्था र केही व्यावसायिक संस्थामा समाज कल्याण परिषद्ले ताला लगाएको छ।

सोमबार नै प्रधानमन्त्री कार्यालय हुँदै महिला तथा बालबालिका मन्त्रालयबाट समेत निर्देशन आएपछि भाडा तिर्न अटेर गर्दै आएका २० संघ–संस्था र केही व्यावसायिक स्टलमा ताला लगाइएको समाज कल्याण परिषद्का सदस्य सचिव सरोजकुमार शर्माले जानकारी दिए । 

Watch On

भृकुटीमण्डप भित्रका ती संरचनाबाट ७ करोड ७९ लाख ८१ हजार ३४ रुपैयाँ बक्यौता उठ्न बाँकी छ। यसरी बक्यौता नबुझाउनेमा ऋषि धमलाको रिपोर्टर्स् क्लबसहित एमालेनिकट अनेरास्ववियुसमेत रहेका छन् । 

धमला अध्यक्ष रहेको रिपोर्टर्स् क्लबले ७३ लाख ४० हजार ९०१ रूपैयाँ ७५ पैसा बुझाउन बाँकी छ।

एमालेनिकट अनेरास्ववियु  २०७७ सालदेखि  बस्न थालेको र हालसम्म भाडा बुझाएको छैन । अनेरास्ववियु बिना निवेदन, बिना सम्झौता जबरजस्ती बसेको परिषद्ले जनाएको छ।

त्यस्तै बालबालिकाका निम्ति गैरसरकारी संस्थाहरूको महासंघ नेपालले ८९ लाख ९० हजार ७४६ रुपैयाँ तिर्न बाँकी छ।

यस संस्थाले २०६३ सालदेखि भाडा बुझाएको छैन। राष्ट्रिय अपांग महासंघ, राष्ट्रिय फोटो पत्रकार महासंघ, नेपाल पत्रकार महासंघ लगायतले पनि स्टल उपयोग गरी हालसम्म बक्यौता बुझाएका छैनन्।

भाडा नबुझाउनेहरूको सूची यस्तो छः