सिरहा कारागारमा आन्तरिक प्रशासन कब्जा गर्ने प्रयास, २२ कैदीबन्दी हिरासतमा

सिरहा । सिरहा कारागारमा आन्तरिक प्रशासन कब्जा गर्ने प्रयासको आरोपमा २२ जना कैदीबन्दीलाई प्रहरीले हिरासतमा लिएको छ । 

कारागारको आन्तरिक प्रशासन कब्जा गर्ने प्रयास गरेको आरोपमा उनीहरूलाई मंगलबार नियन्त्रणमा लिइएको जिल्ला प्रहरी कार्यालयले जनाएको छ । दुई दिनअघि कारागारका चौकीदार प्रेम चौधरीलाई केही कैदीको समूहले बाहिर निकालेका थिए। 

Watch On

उनीहरूले आन्तरिक व्यवस्थापन आफ्नो हातमा लिने प्रयास गरेपछि तनाव सुरु भएको थियो। कारागारभित्रै गुटबन्दी गरी अशान्ति फैलाउन खोजेपछि प्रहरीले हस्तक्षेप गरेको हो ।

जिल्ला प्रहरी कार्यालयका प्रहरी नायब उपरीक्षक (डीएसपी) रमेशबहादुर पालले कारागारको सुरक्षा र अनुशासन कायम राख्न प्रहरीले कारागारमा बिहानै ‘अप्रेसन’ चलाएको जानकारी दिए। ‘

नियन्त्रणमा लिएका कैदीबन्दीलाई सिरहा कारागारबाट अन्यत्र सार्ने तयारी भइरहेको छ। ‘उनीहरूलाई आवश्यक कानुनी र प्रशासनिक प्रक्रिया पूरा गरी अन्य कारागारमा स्थानान्तरणको तयारी भइरहेको प्रहरीले जनाएको छ । 

यसअघि गत माघमा कारागारभित्रै कटुवा पेस्तोल र दुई राउन्ड गोली फेला परेपछि तत्कालीन चौकीदार इन्द्रजित यादवसहित १३ जनालाई नियन्त्रणमा लिएर अन्यत्र सारिएको थियो। त्यतिबेला इन्द्रजितको पक्राउको विरोध गर्दै कैदीबन्दीले दुई दिनसम्म प्रदर्शनसमेत गरेका थिए।