समाज

निजामती सेवा विधेयकको मस्यौदा तयार, सूचना प्रविधि सेवा थप, ट्रेड युनियन खारेज

सिधाकुरा

शुक्रबार, वैशाख ११, २०८३

निजामती सेवा विधेयकको मस्यौदा तयार, सूचना प्रविधि सेवा थप, ट्रेड युनियन खारेज

काठमाडौँ । सरकारले निजामती सेवा सम्बन्धी विधेयकको मस्यौदा तयार पारेको छ । संघीय मामिला तथा सामान्य प्रशासन मन्त्रालयले विधेयकको मसयौदा तयार पारेको हो ।

प्रतिभा रावलले मन्त्रालय सम्हालेको २७ दिनमै मन्त्रालयले निजामती सेवा विधेयक तयार पारेकाे हो । मन्त्रालयले सुझावका लागि मस्यौदा सार्वजनिक गर्ने अन्तिम तयारी गरेको छ।

Watch On

मन्त्रालय स्रोतका अनुसार, अघिल्लो संसदमा पेश भई प्रतिनिधिसभाबाट पारित विधेयकका केही प्रावधान संशोधन गरिएको छ । केही हटाइएको र केही थप गरिएको मन्त्रालय स्रोतले जनाएको छ ।

स्रोतका अनुसार, निजामती सेवामा सूचना प्रविधि सेवा थप गर्न प्रस्ताव गरिएको छ । सूचना प्रविधि क्षेत्रका व्यक्तिहरुलाई आकर्षित गर्न यो सेवा थप गर्न प्रस्ताव गरिएको मन्त्रालयको भनाइ छ।

त्यसैगरी विधेयकको मस्यौदामा ट्रेड युनियनको व्यवस्था खारेज गर्न प्रस्ताव गरिएको छ । नयाँ विधेयक पारित भएमा निजामतीभित्र आधिकारिक र दलीय कुनै पनि ट्रेड युनियन रहने छैनन् । संविधान र अन्य कुनै पनि कानुनले ट्रेड युनियनको व्यवस्था बाध्यकारी नबनाएको सरकारको दाबी छ ।

प्रकाशित मिति: शुक्रबार, वैशाख ११, २०८३

प्रतिक्रिया दिनुहोस्