समाज

सुकुम्बासी मोर्चाका अध्यक्ष नारायण परियारको काठमाडौँमा तीन तले घर

सिधाकुरा

शुक्रबार, वैशाख ११, २०८३

सुकुम्बासी मोर्चाका अध्यक्ष नारायण परियारको काठमाडौँमा तीन तले घर

काठमाडौँ । सुकुम्बासी मोर्चाका कार्यबाहक अध्यक्ष नारायण परियारको काठमाडौंमा तीन तले घर रहेको पाइएको छ ।

काठमाडौं महानगरपालिका वडा नम्बर ३१ शान्तिनगर जागृतीटोलमा १६ कोठाको तीन तले घर रहेको उनकै पारिवारिक विवरणमा उल्लेख छ । तर, उक्त घर भने परियारकी श्रीमती शुभमाया कपालीको नाममा छ ।

Watch On

कपालीले २०७७ साउन १४ गते नेपाल बैंक लिमिटेड नयाँ बानेश्वर शाखालाई पसल घर सम्पत्ति विवरण खुलाई लेखेको पत्रमा यो विवरण खुलाइएको छ । पत्रमा लेखिएको छ– जिल्ला काठमाडौं, कामनपा ३१ शान्तिनगरमा, जागृतीटोलस्थित यस शुभनारायण स्टोर्स पसल बसेको घर, हालको अवस्था १६ कोठा तला ३, मेरो नामको बिजुली बत्ती जडान भएको, नेपाल सरकारको पर्ति जग्गामा लालपुर्जा नभएको घर हो । अन्य सम्पूर्ण पूर्वाधारयुक्त यस घरको स्थानीय बोलकबोल अनुसार ८० लाख भन्दा बढी मूल्यांकन हुनसक्ने समेत जानकारी गराउँछु ।

शुभमाया नारायण परियारकै श्रीमती रहेको भनी वडा कार्यालयले समेत नाता प्रमाणित गरिदिएको छ । २०७७ साउन १४ मै वडा कार्यालयले नाता प्रमाणित गरिदिएको छ र त्यसमा शुभमायालाई नारायण परियारकी पत्नी भनिएको छ ।

नारायण परियारलाई आजै प्रहरीले बैंकिङ कसुरमा पक्राउ गरी हिरासतमा राखेको छ ।

प्रकाशित मिति: शुक्रबार, वैशाख ११, २०८३

प्रतिक्रिया दिनुहोस्