नेभिगेशन
समाज

डोनाल्ड ट्रम्प सहभागी कार्यक्रममा गोली चलेको आवाज सुनिएपछि तनाव

अमेरिकी राष्ट्रपति डोनाल्ड ट्रम्प सहभागी कार्यक्रममा गोली चलेको आवाज सुनिएपछि उनलाई सुरक्षित स्थानमा लगिएको छ।

वासिङ्टन डिसीको वासिङ्टन हिल्टन होटलमा शनिबार राति ह्वाइट हाउस संवाददाताहरूको कार्यक्रमबीच गोली चलेको आवाज सुनिएपछि ट्रम्प र प्रथम महिला मेलानिया ट्रम्पलाई सुरक्षाकर्मीले सुरक्षित स्थानमा सारेको अमेरिकी अखबार द न्युयोर्क टाइम्सले जनाएको छ।

Watch On

Facebook Tiktok Youtube Instagram Twitter

न्यूयोर्क टाइम्स का अनुसार कार्यक्रम भइरहेको होटलभित्र गोली चलेको सूचना पाएपछि ट्रम्पलाई मञ्चबाट हतारमा बाहिर निकालिएको थियो।

Marvel
Extreme Energy

घटनापछि ट्रम्पले सामाजिक सञ्जालमार्फत आफू सकुशल रहेको जनाउँदै चाँडै ह्वाइट हाउसमा पत्रकार सम्मेलन गर्ने बताएका छन्।

अमेरिकी संघीय अनुसन्धान ब्युरो एफबीआईले सिक्रेट सर्भिसले सुरक्षा जाँच क्षेत्र नजिक गोली चलेको घटना रिपोर्ट गरेपछि एक जनालाई नियन्त्रणमा लिइएको पुष्टि गरेको छ।

ह्वाइट हाउस प्रेस टोलीका अनुसार घटनाको बेला एक सुरक्षाकर्मीले गोली चल्यो भन्दै चिच्याएका थिए र हतियारसहितका एजेन्टहरू तुरुन्तै ट्रम्पतर्फ दौडिएका थिए।

कार्यक्रम सुरु भएको करिब पाँच मिनेटमै हलको पछाडितर्फ हलचल देखिएको थियो।

त्यसपछि अचानक सन्नाटा छाएको र सयौं सहभागीहरू आफ्नो सिटमुनि लुकेका थिए। मञ्चमा पनि हतियारसहितका सुरक्षाकर्मीहरू देखा परेका थिए र ट्रम्प दम्पतीलाई तत्काल बाहिर लगिएको न्युयोर्क टाइम्सले जनाएको छ।
ट्रम्पले पछि सामाजिक सञ्जालमा लेखेका छन्, 'प्रथम महिला, उपराष्ट्रपति र सबै क्याबिनेट सदस्य पूर्ण रूपमा सुरक्षित छन्।'

अमेरिकी समाचार संस्था एसोसिएटेड प्रेस (एपी)का अनुसार घटनाको समयमा सहभागीहरू खाना खाइरहेका थिए र अर्को परिकार ल्याउने तयारी भइरहेको थियो।

त्यत्तिकैमा सुरक्षाकर्मीहरूले सबैजना तल बस्नू भन्दै आदेश दिएपछि गाउन र टक्सेडो लगाएका पत्रकारहरू टेबलमुनि लुकेका थिए। हतारमा भाग्दा वाइन टेबलमा पोखिएको र गिलासहरू आपसमा ठोक्किएको दृश्य देखिएको थियो।

एपीले जनाएअनुसार हतियारधारी सुरक्षाकर्मीहरू हलका ढोकाबाट भित्र छिरेर ट्रम्प बसेको मञ्चतर्फ दौडिएका थिए, जसका कारण सहभागीहरू झन् त्रसित बनेका थिए।

त्यहीबीच कसैले 'यूएसए'भन्दै चिच्याएको पनि सुनिएको थियो।

अन्तर्राष्ट्रिय समाचार संस्था रोयटर्सका अनुसार ठूलो आवाज (गोलीजस्तो)सुनिएपछि ट्रम्प दम्पतीलाई सिक्रेट सर्भिसले तत्काल बाहिर निकालेको थियो।  उक्त कार्यक्रममा करिब २ हजार ६०० जना सहभागी थिए भनेर रोयटर्सले लेखेको छ।

 घटना हुँदा धेरैजसोले टेबलमुनि लुकेर ज्यान जोगाउने प्रयास गरेका थिए।

घटनास्थल वाशिङ्टन हिल्टन होटल ऐतिहासिक रूपमा पनि संवेदनशील मानिन्छ।

यही होटल बाहिर सन् १९८१ मा जोहन हिन्क्ली जुनियर ले तत्कालीन राष्ट्रपति रोनाल्ड रेगन माथि आक्रमणको प्रयास गरेका थिए।

घटनाबारे थप अनुसन्धान जारी रहेको छ भने सुरक्षा सतर्कता उच्च बनाइएको अधिकारीहरूले जनाएका छन्।

प्रकाशित मिति:
प्रतिक्रिया दिनुहोस्
The Reporter
Current Affairs
Sidhakura Investigation
थप समाज
एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

एनपीएलका आठवटै क्लबका लागि फ्लडलाइटसहितका क्रिकेट रंगशाला बनाउने प्रधानमन्त्रीको घोषणा

सरकारका अनुसार क्रिकेट रंगशाला पूर्वाधार विकास मन्त्रालयमार्फत निर्माण गरिनेछ । धनगढीस्थित फाप्ला क्रिकेट रंगशालाको निर्माण प्रक्रिया अघि बढिसकेको छ भने आगामी तीन महिनाभित्र बाँकी सबै रंगशालाको निर्माण प्रक्रिया...
लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

लुम्बिनीलाई १० विकेटले हराउँदै सुदूरपश्चिमले जित्यो पहिलोपटक एनपीएल उपाधि

सुदूरपश्चिमको जितमा ओपनर जर्ज मुन्सेले विस्फोटक ब्याटिङ गरे । उनले ५४ बलमा अविजित १२५ रन बनाए । उनको इनिङ्समा ७ चौका र ११ छक्का समावेश थिए । अर्का...
परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

परराष्ट्रमन्त्री खनालसँग जापानी उपविदेशमन्त्री फुजीको शिष्टाचार भेटवार्ता

सो अवसरमा परराष्ट्रमन्त्री खनालले नेपाल भ्रमणमा रहेका जापानी उपमन्त्री फुजीलाई हार्दिक स्वागत गरे । उनले हालै रसुवा–भोटेकोशी क्षेत्रमा आएको बाढीपछि तत्काल राहत तथा सहयोग उपलब्ध गराएको र पुनःनिर्माणका...
एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

एनपीएल फाइनलमा लुम्बिनीले सुदूरपश्चिमलाई दियो १५६ रनको लक्ष्य

लुम्बिनीका लागि दिलिप नाथले सर्वाधिक ३९ रन बनाए । उनले ३० बलमा ३९ रन बनाउँदै अविजित रहे । त्यस्तै कप्तान रोहितकुमार पौडेलले ३१ बलमा ३० रन बनाए ।