सरकारले ल्याएको अध्यादेशबारे रास्वपा सभापति रवि लामिछानेले के भने ?

काठमाडौँ । सरकारले ५ वटा अध्यादेश जारी गर्न राष्ट्रपति कार्यालयमा सिफारिस गरेपछि रास्वपा र सरकारप्रति विपक्षी दलहरुले आलोचना गरिरहँदा रास्वपा सभापति रवि लामिछानेले कुनै पनि दललाई फुटाउन र कसैलाई थुन्न अध्यादेश नल्याइएको जवाफ दिएका छन् ।

आज सिंहदरबारमा बसेको रास्वपा संसदीय दलको अनौपचारिक बैठकमा सभापति लामिछानेले विगतमा कुनै दल फुटाउन र विपक्षीलाई थुन्न अध्यादेश ल्याउने अभ्यास रहेको स्मरण गरे । तर, यसपालि ती कुनै पनि उद्देश्यले अध्यादेश नल्याइएको उनको भनाइ छ ।

Watch On

सिंहदरबारस्थित रास्वपाको संसदीय दलको बैठकमा रास्वपा सांसदहरुले समेत अध्यादेशका बारेमा चासो राखेका थिए ।

यस्तो छ, सभापति लामिछानेको जवाफ 
‘विगतमा भएको अनावश्यक दलीयकरण र गलत नियुक्तिलाई नसच्याएसम्म जनताले यो सरकारबाट गरेको अपेक्षा पुरा गर्न सकिँदैन। पहिले अध्यादेश दल फुटाउन वा विपक्षीलाई थुन्न ल्याइने अभ्यास थियो। अहिलेको अभ्यास कसैलाई दुःख दिन वा कसैलाई सुविधा दिन हैन यो आवश्यक सुधारको लागि हो। यो कदम, कानुनी दायरामा बसेर गरिँदै गरेको एक अभ्यास हो। कानुन, राजनीतिक व्यवहार र लोकतान्त्रिक पद्धतिप्रति राष्ट्रिय स्वतन्त्र पार्टी कति गम्भीर छ भन्ने कुराको सूचक संसदीय समिति प्रमुख प्रतिपक्षले एक बचन माग नगर्दा पनि दिएको अभ्यासले पनि देखाउँछ। विगतमा प्रधानमन्त्रीकै पार्टीको सांसद लेखा समिति सभापति बनेको धेरै उदाहरण छ। हामी त्यो सच्याउन चाहन्थ्यौं, इमानदार भएर बढ्यौं।’