समाज

भोलि कुन कुन सुकुम्बासी बस्तीमा चल्छ डोजर ?

सिधाकुरा

बिहीबार, वैशाख १७, २०८३

भोलि कुन कुन सुकुम्बासी बस्तीमा चल्छ डोजर ?

काठमाडौँको टेकु वंशीघाटस्थित सुकुम्बासी बस्ती

काठमाडौँ । सरकारले भोलि बिहानै अतिक्रमित सरकारी जग्गामा डोजर चलाउने सूचना गरेपछि अहिले विभिन्न सुकुम्बासी बस्तीमा बसोबास गर्ने सर्वसाधारणले धमाधम आफ्ना सामान सारिरहेका छन् ।

गत शनिबार अतिक्रमित सरकारी जग्गा खाली गर्ने अभियान थालेको सरकारले भोलिदेखि पुनः काठमाडौंका नदी किनाराका अतिक्रमित जग्गा खाली गराउँदै छ ।

Watch On

जिल्ला प्रशासन कार्यालय काठमाडौँले हिजो नै सूचना जारी नदी किनाराका सार्वजनिक जग्गा अतिक्रमण गरी निर्माण गरिएका संरचना भत्काउन तथा त्यहाँबाट आ आफ्ना सामान सार्न सूचना जारी गरेको थियो ।

सरकारको सोही सूचना अनुसार आज बिहानैदेखि टेकुको बंशीघाट शंखमुल, बुद्धनगर, बल्खु, कुलेश्वर क्षेत्र, कपन, बसुन्धारा क्षेत्रमा बस्दै आएका सुकुम्बासी बस्तीबाट सामान सार्न थालिएको हो । त्यस्तै, गोंगबु, बालाजु, माछापोखरी लगायतका स्थानमा सार्वजनिक जग्गा अतिक्रमण गरी बनाइएका संरचनाबाट पनि स्थानीयले सामान सारिरहेका छन् । यी क्षेत्रमा काठमाडौं महानगरको प्रहरीले आ आफ्ना सामान सार्न माइकिङ गरिरहेको छ ।

सरकारले गत साता थापाथली, गैरीगाउँ र मनोहरा क्षेत्रका सुकुम्बासी बस्ती खाली गराएको थियो । भोलिदेखि पुनः अभियान सुरु गरिने जिल्ला प्रशासन कार्यालय काठमाडौंले जनाएको छ ।

प्रकाशित मिति: बिहीबार, वैशाख १७, २०८३

प्रतिक्रिया दिनुहोस्