नेताका कुरा

संसदका गतिविधिलाई परिणाममुखी बनाउने कार्यमा भूमिका निर्वाह गर्न सभामुखको सुझाव

सिधाकुरा

सोमबार, वैशाख २१, २०८३

संसदका गतिविधिलाई परिणाममुखी बनाउने कार्यमा भूमिका निर्वाह गर्न सभामुखको सुझाव

काठमाडौँ । सभामुख डोलप्रसाद अर्यालले संसदका गतिविधिलाई परिणाममुखी बनाउने गरी भूमिका निर्वाह गर्न राजनीतिक दलका सचेतकहरुलाई सुझाव दिएका छन्।

सोमबार सिंहदरबारमा प्रतिनिधिसभामा प्रतिनिधित्व गर्ने राजनीतिक दलका सचेतकहरूसँगको छलफलका क्रममा सभामुख अर्यालले नेपाली जनताले चाहना गरेअनुसार संसदका गतिविधिलाई परिणाममूखी बनाउनेगरि भूमिका निर्वाह गर्न सुझाव दिएका हुन्।

Watch On

संसदमा देखिएका समस्यालाई हल गर्दै प्रभावकारी बनाउने र संसदको मर्म र संसदीय परम्परा र प्रणालीलाई अव्वल बनाउने बिषयमा समेत छलफल भएको राष्ट्रिय स्वतन्त्र पार्टीका सचेतक प्रकाशचन्द्र परियारले बताए । बैठकमा दलका सचेतकहरुले सभामुख र संसद सचिवालयसंग समन्वय र सहकार्य गरेर परिणाम ल्याउने कुरामा जोड दिएको उनले बताए ।

संसदको प्रारम्भिक चरणमा देखिएका अव्यवस्थाहरूलाई सम्बोधन गर्ने संसद सचिवालयले प्रतिवद्धता व्यक्त गरेको समेत उनले बताए। सचेतकहरूमार्फत आफ्नो दलमा प्रभावकारी अनुशिक्षण, प्रशिक्षण र कामकारबाहीलाई अगाडि बढाएर जिम्मेवारी वहन गर्न सभामुखले निर्देशन दिएको उनको भनाइ छ ।

प्रकाशित मिति: सोमबार, वैशाख २१, २०८३

प्रतिक्रिया दिनुहोस्