सर्वोच्चको आदेशपछि पनि यसकारण छुटेनन् शेखर गाेल्छा

सिधाकुरा

मंगलबार, वैशाख २२, २०८३

सर्वोच्चको आदेशपछि पनि यसकारण छुटेनन् शेखर गाेल्छा

काठमाडौँ । सर्वोच्च अदालतले केन्द्रीय अनुसन्धान ब्युरोको थुनामा रहेका व्यवसायी शेखर गोल्छालाई सर्वोच्च अदालतले धितोपत्र सम्बन्धी मुद्दामा धरौटी वा जमानतमा छाड्न आदेश दिए पनि उनी छुटेका छैनन् । यसको कारण हो सर्वोच्चले उनलाई वीमासम्बन्धी मुद्दामा भने केही बोलेको छैन ।

गोल्छामाथि दुई अलग अलग धतोपत्र र वीमा सम्बन्धी अलग अलग कसुरमा अनुसन्धान भैरहेको छ ।

Watch On

त्यसमध्ये सोमबार सर्वोच्च अदालतले धितोपत्र सम्बन्धी मुद्दामा मात्रै रिहा गर्न भनेकोले गोल्छा नछुटेका हुन् । वीमासम्बन्धी मुद्दामा केही भनिएको छैन ।

प्रहरीको केन्द्रीय अनुसन्धान ब्युरो (सिआईबी) का प्रवक्ता एसएसपी शिव श्रेष्ठले उनलाई विमासम्बन्धी मुद्दामा हिरासतमा राखिएको बताए ।

न्यायाधीशद्वय महेश शर्मा पौडेल र श्रीकान्त पौडेलको संयुक्त इजलासले हिजो केन्द्रीय अनुसन्धान ब्युरो लाजिम्पाटमा थुनामा रहेका व्यवसायी गोल्छाकी पत्नी सीमा गोल्छाले दायर गरेको बन्दी प्रत्यक्षीकरणको रिट निवेदनमाथि सुनुवाइ गर्दै धरौटी वा जमानतमा छाड्न आदेश गरेको थियो ।

व्यवसायी गोल्छा वैशाख ११ पक्राउ परेका थिए । नेपाल धितोपत्र बोर्डको छानबिन प्रतिवेदनका आधारमा थप अनुसन्धान गर्न भन्दै नेपाल प्रहरीको केन्द्रीय अनुसन्धान ब्युरोले उनलाई पक्राउ गरेको थियो ।

प्रकाशित मिति: मंगलबार, वैशाख २२, २०८३

प्रतिक्रिया दिनुहोस्