नेताका कुरा

कामु प्रधानन्यायाधीशलाई रविको चुनौती– मेरो गर्धन त्यहीँ छ, चलाइदिनुस् हतियार

सिधाकुरा

आइतबार, वैशाख २७, २०८३

कामु प्रधानन्यायाधीशलाई रविको चुनौती– मेरो गर्धन त्यहीँ छ, चलाइदिनुस् हतियार

काठमाडौँ । रास्वपा सभापति रवि लामिछानेले प्रधानन्यायाधीश सिफारिसलाई लिएर कामु प्रधानन्यायाधीश सपना मल्ल प्रधानको टिप्पणीप्रति असन्तुष्टि जनाएका छन् ।

पार्टीका सांसदका लागि रास्वपाले आयोजना गरेको प्रशिक्षण कार्यक्रमको समापनका अवसरमा सभापति लामिछानेले भने– ‘त्यस्तो रिस उठेको छ भने चलाइदिनुस् आफ्नो हतियार, मैले मेरो गर्धन त्यहीँ बुझाएर आएको छु ।’

Watch On

सभापति लामिछानेले न्यायालयको गरिमा र प्रतिष्ठालाई सडकको विषय नबनाउन पनि आग्रह गरे । ‘न्यायालयको विषय सडकको विषय बनाइनु हुँदैन, अन्यायमा हामी पनि पर्यौं होला, हामीलाई पनि चिच्याई चिच्याई भन्न मन थियो, कराउन मन थियो, अन्याय भयो, न्याय पाऊँ भन्न मन थियो, तर, हरेक पटक अदालतको ढोकाबाट निस्किएर अदालतप्रति आशा छ, भरोसा छ भन्दै आएको छु ।’

लामिछानेले अदालतबाट न्याय पाइन्छ भन्ने आशा अझै पनि रहेको बताए । उनले न्यायालयले आफूलाई सबल र सक्षम बनाउने अधिकार पाएको भन्दै त्यसो गर्न पनि सुझाब दिए ।

त्यसअघि लामिछानले मतदातालाई सम्मान गर्न र भाइरल बन्ने ध्याउन्नमा नलाग्न रास्वपाका सांसदहरुलाई निर्देशन दिएका थिए ।

प्रकाशित मिति: आइतबार, वैशाख २७, २०८३

प्रतिक्रिया दिनुहोस्