रास्वपाका १५ जना सदस्य कारबाहीमा, बारा जिल्ला कमिटी विघटन (यी हुन् निर्णयहरु)

काठमाडौँ। राष्ट्रिय स्वत्नत्र पार्टी रास्वपाले केन्द्रीय समिति बैठक बोलाएको छ ।

वैशाख ३० गते विहान साढे ८ बजे बस्ने गरी बोलाएको हो । यस्तै रास्वपाले बारा जिल्ला कमिटी विघटनको निर्णय पनि गरेको छ ।

Watch On

रास्वपा प्रवक्ता मनिष झाका अनुसार विभिन्न जिल्लाका १५ जना सदस्यहरुको सदस्यता पनि खारेज गरिएको छ । ‍नाम भने भोलि मात्रै सार्वजनिक गर्ने उनले बताए ।

यी हुन् अन्य निर्णय

बैठकका निर्णयहरू:

१. भेला तथा अधिवेशन विशेष तालिका स्वीकृत गर्ने निर्णय गरियो ।

२०८३ जेठ २: वडा भेला (समिति गठन नभएका वडाहरूमा)

जेठ ३: वडा अधिवेशन (वैशाख २० अगावै समिति गठन भएका वडा)

जेठ ९: पालिका भेला (समिति गठन नभएका पालिकाहरूमा)

जेठ १०: पालिका अधिवेशन (वैशाख २५ अगावै समिति गठन भएका पालिका)

जेठ १६: वडा अधिवेशन (जेठ ३ अगाडि गठन भएका बाँकी वडा)

जेठ १७: पालिका अधिवेशन (जेठ १० अगाडि समिति गठन भएका बाँकी पालिका)

जेठ २३ र २४: जिल्ला अधिवेशन .

२. विभिन्न तह, विभागबाट भएको सिफारिसको आधारमा तपसिल बमोजिम मनोनित गर्ने ।
क. RAT समन्वय विभाग प्रमुख श्री बैकुण्ठ थापा (आशिष) र उपप्रमुख श्री बिदुर खड्का (पूर्व एपीएफ डिआइजी)।
ख. स्टार्टअप विभाग प्रमुख डा प्रभात अधिकारी, सचिव श्री हरि जोशी।
ग. शिक्षा विभाग प्रमुख श्री मिलन पाण्डे ।
घ. कर्णाली प्रदेश सहममन्त्री श्री राजबहादुर शाह र श्री अविसरा सुवेदी
ङ. केन्द्रीय संगठन विभाग सदस्य श्री गोपाल प्याकुरेल (कर्णाली) ।
च. कञ्चनपुर जिल्ला सभापति श्री पदम बिष्ट।

३. प्रदेश समितिको सिफारिसको आधारमा बारा जिल्ला समिति विघटन गर्ने । जिल्ला अधिवेशनको तयारी गर्ने ।
४. पार्टी हित विपरीत कार्य गरेका विभिन्न जिल्लाका १५ जना सदस्यहरूको सदस्यता खारेजी गर्ने निर्णय गरियो।
५. पार्टी केन्द्रीय समितिको आगामी बैठक २०८३ वैशाख ३० गते आयोजना गर्ने ।
धन्यवाद ।