संसद्मा प्रचण्डले भने: 'सरकारले विधि नमिचोस्, लोकतन्त्रको भावना नभुलोस्'

सिधाकुरा

मंगलबार, वैशाख २९, २०८३

संसद्मा प्रचण्डले भने: 'सरकारले विधि नमिचोस्, लोकतन्त्रको भावना नभुलोस्'

काठमाडौँ । पूर्वप्रधानमन्त्री एवं नेपाली कम्युनिस्ट पार्टीका संयोजक प्रचण्डले संख्याको बलमा विधि नमिच्ने सरकारलाई आग्रह गरेका छन् ।

मंगलबार प्रतिनिधिसभा बैठकमा सम्बोधन गर्ने क्रममा उनले जनताले गरेको विश्वासलाई विधि बलियो बनाउनेतर्फ लाग्न आग्रह गर्दै संख्यामा दम्भवमा विधि मिच्ने काम गर्न चेतावनी दिए ।

Watch On

उनले भने ‘मेरो आग्रह छ, संख्याको दम्भमा विधि मिच्ने काम नहोस् । तपाईंहरूलाई जनताले यतिबेला विश्वास गरेका छन् । त्यो विश्वास विधि बलियो बनाउनेतर्फ लागोस्,’।

साथै, प्रचण्डले अध्यादेशमार्फत शासन चलाउन खोज्नु लोकतन्त्रको भावना विपरीत भएको बताए ।

उनले भने ‘आफैंले बनाएको संसद् स्थगित गरेर जनप्रतिनिधिलाई छलेर एकपछि अर्को अध्यादेशमार्फत शासन चलाउन खोज्नु लोकतन्त्रको भावना विपरीत छ भन्ने कुरा हामी सबैले महसुस गर्नैपर्छ,’ ।

साथै सरकारको आलोचना गर्नेहरुलाई धरपकड सुरु गरिएको भन्दै स्वीकार्य नभएको बताए ।

उनले भने ‘जसरी प्रतिशोधनको गन्ध आउनेगरी धरपकड सुरु गर्नुभयो, सरकारको आलोचना गर्नेलाई थुन्ने काम गर्नुभयो यो लोकतान्त्रिक पद्धति र प्रणालीका लागि स्वीकार्य हुन सक्दैन,’ ।

प्रकाशित मिति: मंगलबार, वैशाख २९, २०८३

प्रतिक्रिया दिनुहोस्