अरुलाई भन्दा धेरै जनताको समर्थन मलाई छः महावीर पुन

काठमाडौँ । स्वतन्त्र सांसद महावीर पुनले अरु दलका नेता र सांसदलाई भन्दा जनताको समर्थन आफूलाई बढी भएको दाबी गरेका छन् ।

प्रतिनिधिसभाको आजको बैठकमा बोल्दै सांसद पुनले अरु पार्टीका सांसदलाई भन्दा आफूलाई कम समय दिइएकोप्रति आपत्ति जनाए । ‘अरुलाई भन्दा मलाई समर्थन बढी छ, त्यसैले मलाई कम समय दिइएको कुरा चित्त बुझेको छैन’ उनले भने ।

Watch On

अन्तरिम सरकारका शिक्षामन्त्री समेत रहेका पुनले आफूले त्यतिबेला ल्याउन खोजेको अध्यादेश अहिलेको सरकारले समेत नल्याएको भनदै असन्तुष्टि जनाए । ‘मैले ल्याउन खोजेको अध्यादेश यो सरकारले पनि ल्याएन । विज्ञान प्रविधि तथा नवप्रवर्तन मन्त्रालय किन नबनाएको ? खर्च ठूलो कि अनुसन्धान ?’ उनले भने ।

त्यसपछि पनि उनले प्रश्न गरिरहे– ‘प्राधिकरण बनाएर नवप्रवर्तन र अनुसन्धान हुन्छ ? खोई कुरा बुझेको ?’ उनले आफूलाई सानो सानो कुरामा पनि चित्त नबुझेको बताउँदै भने– ‘म मन्त्री हुँदा हरेक विद्यालयमा कम्प्युटर विषय राख्ने र कम्प्युटर शिक्षक दरबन्दी राख्ने भनेको थिएँ, अहिलेसम्म भएको छैन ।’

सांसद पुनले आगामी बजेटमा पुँजीगत खर्चको एक प्रतिशत नवप्रवर्तनमा आउनै पर्ने बताउँदै भने– ‘बजेटमा आएन भने हल्ला गरिरहन्छु।’ नीति तथा कार्यक्रममा विज्ञान भन्ने शव्द नै नभएको बताउँदै उनले भने– ‘अहिलेको नेतृत्वलाई विज्ञानसँग किन यति धेरै रिस ? विज्ञानले कसको के खाइदिएको छ ?