समाज

तत्काल रुलिङ गरेर प्रधानमन्त्रीलाई सदनमा बोलाउन कांग्रेसको माग

सिधाकुरा

बुधबार, वैशाख ३०, २०८३

तत्काल रुलिङ गरेर प्रधानमन्त्रीलाई सदनमा बोलाउन कांग्रेसको माग

काठमाडौँ । नेपाली कांग्रेसले सदनमा प्रधानमन्त्रीको उपस्थिति खोजेको छ । नेपाली कांग्रेसका सांसद निश्कल राईले आकस्मिक समयमा बोल्दै प्रधानमन्त्रीको खोजी गरेका हुन् ।

‘सदनमौ मैले सम्माननीय प्रधानमन्त्रीको उपस्थिति देखेको छैन । उहाँ आफैँले बनाएको नीति तथा कार्यक्रममाथि उठेका प्रश्नको जवाफ दिने कार्यसूची आज देखिएको छ । तर सदनमा सम्माननीय ज्युलाई हामीले देखेनौँ ।’ उनले भने, ‘सदनको गरिमा राख्ने र इज्जत राख्ने भूमिका सम्माननीय सभामुखको हो । हजुर हाम्रो नायक पनि हो । तपाईँले सभाको गरिमा राख्न सक्नुभएन भने कसैले पनि राख्न सक्दैन । त्यसैले सभामुखमार्फत तत्काल रुलिङ गरेर प्रधानमन्त्रीज्युलाई बोलाउन हार्दिक अनुरोध गर्दछु ।’

Watch On

त्यसपछि उनले न्यायाधीशको विषयमा सदनमा बहस भएकोप्रति आपत्ति जनाएका थिए । उनले दुई तिहाइको दम्भ देखाउँदै रास्वपा सांसदले रोष्ट्रमबाट न्यायाधीशको बारेमा टिप्पणी गरेको आरोप लगाए ।

उनको अभिव्यक्तिपछि रास्वपा सांसद गणेश पराजुलीले नियमापत्ति गर्ने प्रयास गरेका थिए । तर सभामुख डिपी अर्यालले उक्त विषयमा आफ्नो ध्यानाकर्षण भएको र आवश्यक परे समय उपलब्ध गराउने बताए र पराजुलीलाई बस्न आग्रह गरे ।

प्रकाशित मिति: बुधबार, वैशाख ३०, २०८३

प्रतिक्रिया दिनुहोस्