कञ्चनपुरको बाढी र कटान समस्याको दीर्घकालीन उपाय खोज्न सांसद महताद्वारा सरकारको ध्यानाकर्षण

काठमाडौँ । हरेक वर्षा याममा कञ्चपुरका नागरिकहरुले भोग्दै आएको बाढी र कटान समस्या समाधानको दीर्घकालीन उपाय खोज्न सांसद ज्ञानेन्द्र महताले सरकारको ध्यानाकर्षण गराएका छन् ।

बुधबार बसेको प्रतिनिधिसभाको बैठकमा बोल्ने क्रममा कञ्चनपुर–३ बाट निर्वाचित रास्वपाका सांसद महताले गएको २७ दिन आफू निर्वाचित क्षेत्रका जनतासंग भेटघाट र गुनासो सुनेर आएको बताउँदै नदी तटिय क्षेत्रका बासीन्दाले हरेक वर्ष वर्षा याममा बाढीको जोखिम तथा कटानको समस्या भगिरहेको बताएका हुन् ।

Watch On

उनले जिल्लाको महाकाली नदी, जोगबुढा नदी, कामीकाँटे खोला भुजेला खोला र खन्ने खोलाबाट उत्पन्न हुने बाढी तथा कटानका कारण नागरिकहरु उच्च जोखिमप्रति सरकारको ध्यानाकर्षण गराए थिए ।

उनले भने, ‘हरेक वर्षा याममा यी नदी तथा खोलाहरु उर्लिएपछि दर्जनौं बस्ती डुबानमा पर्ने । खेतियोग्य जमिन कटान हुने सडक तथा सार्वजर्निक संरचनाहरुमा क्षति पुग्ने स्थानीय नागरिक त्रासमा बाँच्न बाध्य हुने अवस्था दोहोरिदै आएको छ । विशेष गरी नदी तटिय क्षेत्र बसोबास गर्ने नागरिकहरु विस्थापनको जोखिममा रहदै आएका छन् । स्थानीय तह र सरोकारवाला निकायहरुले पूर्व तयारी गरिरहेका भएपनि दिर्घकालिन नियन्त्रणका लागि संघीय सरकारको पहल अझै पहल हुन सकेको छैन् ।’

त्यसैले सांसद महताले बाढीको उच्च जोखिम रहेका क्षेत्रमा तटबन्ध निर्माण र  कटान नियन्त्रणका लागि आवश्यक बजेटको सुनिश्चितता गर्न आग्रह गर्दै पूर्व सुचना प्रणाली तथा विपद् पूर्व तयारीका कार्यक्रमलाई प्रभावकारी रुपमा सञ्चालन गर्न सरकारको ध्यानाकर्षण गराएका छन्।