समाज

विक्रम पाण्डेसहित ११ जना धरौटीमा रिहा, दिवाकर देउजा मात्रै थुनामा

सिधाकुरा

बिहीबार, वैशाख ३१, २०८३

विक्रम पाण्डेसहित ११ जना धरौटीमा रिहा, दिवाकर देउजा मात्रै थुनामा

काठमाडौँ । ई–बिडिङ वेबसाइटनै ह्याक गरेर सेटिङमा ठेक्का पार्ने अभियोगमा पक्राउ परेका राप्रपा नेता विक्रम पाण्डेसहित ११ जनालाई धरौटीमा छाड्न आदेश भएको छ।

जिल्ला अदालत, काठमाडौँका न्यायधीश चुरामन खड्काको एकल इजलासले कालीका कन्स्ट्रक्सनका सञ्चालक समेत रहेका पाण्डेलाई ४ लाख धरौटीमा छाड्न आदेश दिएको हो ।

Watch On

यस्तै सरकारी कर्मचारी तथा कमप्युटर अपरेटर नासु दिवाकर देउजा पुर्पक्षका लागि कारागार चलान भएका छन् । सीआईबीले यो प्रकरणमा २२ जनालाई मुद्दा चलाएको थियो । जमध्ये १२ जना पक्राउ परेका थिए।

जिल्ला अदालतले पाण्डेसहित ११ जनालाई धरौटीमा रिहा गर्न आदेश दिएको हो। अदालतले नुवाकोटका प्रकाश ढुंगानसँग चार लाख, तनहुँका सञ्जय भट्टसँग १० लाख, सुनसरीका जीवनकुमार दाससँग पाँच लाख र काठमाडौँका अमृत बोहोरासँग चार लाख धरौटी माग गरेको हो।

यस्तै, मकवानपुरका सागर कटुवाललाई पाँच लाख, दोलखाका अनिल श्रेष्ठलाई चार लाख, काठमाडौँका भाष्करराज अर्याललाई १० लाख, धादिङका टंककुमार श्रेष्ठलाई चार लाख, सिराहाका स्वदेश पोखरेललाई चार लाख र काठमाडौँका ऋषिकेश गौलीलाई चार लाख रुपैयाँ धरौटी छोड्न आदेश भएको छ।

यस मुद्दामा पक्राउ परेका धनकुटाका दिवाकर देउजालाई भने पुर्पक्षका लागि थुनामा पठाउन आदेश भएको छ।

प्रकाशित मिति: बिहीबार, वैशाख ३१, २०८३

प्रतिक्रिया दिनुहोस्