समाज

अमेरिकाविरुद्ध नेपालको शानदार जित, कुशल भुर्तेलले बनाए शतक

सिधाकुरा

शनिबार, जेठ २, २०८३

अमेरिकाविरुद्ध नेपालको शानदार जित, कुशल भुर्तेलले बनाए शतक

काठमाडौँ । आईसीसी विश्वकप क्रिकेट लिग–२ अन्तर्गतको खेलमा नेपालले अमेरिकालाई ९ विकेटले हराएको छ । अमेरिकाले दिएको १९६ रनको लक्ष्य नेपालले ३६ ओभर ४ बलमा एक विकेट गुमाएर पूरा गरेको हो ।

उक्त खेलमा नेपालका ओपनर कुशल भुर्तेलले शतक प्रहार गरे । भुर्तेलले ११७ बलमा १२० रनको अविजित शतकीय इनिन्स खेलेका हुन् । उनले १३ चौका र ४ छक्का प्रहार गरे । त्यस्तै आसिफ शेखले ७२ बलमा ५९ रन जोडे । शेख र भुर्तेलले १४५ रनको उत्कृष्ट साझेदारी गरेका थिए । त्यस्तै इसान पाण्डेले २९ बलमा १६ रन बनाउँदै नटआउट रहे ।

Watch On

र्कीतिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा टस जितेर पहिले ब्याटिङ गरेको अमेरिका ४३ दशमलव तीन ओभरमा अलआउट हुँदै १९५ रनमा समेटियो । एक सय ५३ रन बनाउँदा जम्मा तीन विकेट गुमाएको अमेरिकाले थप ३७ बनाउँदा बाँकी सात विकेट गुमाएको थियो ।

अमेरिकाका लागि ओपनर स्मित पटेल र सेहन जयसूर्याले अर्धशतकीय पारी खेले । अमेरिकालाई राम्रो सुरुआत दिलाउने क्रममा पटेलले ८९ बलमा तीन छक्का र आठ चौकाको सहयोगमा ८३ रन बनाए भने जयसूर्याले ५२ बल खेल्दै एक छक्का र पाँच चौकाको सहयोगमा ५० रन बनाए । साथै मिलिन्द कुमारले २८ र हर्मित सिंहले १४ रन बनाए भने अन्य कुनै ब्याटरले दोहोरो अङ्कमा रन बनाउन सकेनन् ।

प्रकाशित मिति: शनिबार, जेठ २, २०८३

प्रतिक्रिया दिनुहोस्