संसद्‍मा प्ले कार्ड र पर्चासहित विरोधको शैली नदेखाउन सांसदहरूलाई सभामुखको आदेश

काठमाडौँ । सभामुख डोलप्रसाद अर्याल (डिपी)ले संसदमा प्ले कार्ड र पर्चासहितको विरोधको शैली नदेखाउन आदेश गरेका छन् ।

सोमबार प्रतिनिधिसभाको बैठकमा श्रम संस्कृति पार्टीले प्रतिनिधिसभामा प्ले कार्डसहित श्रम संस्कृति पार्टीले विरोध जनाएपछि सभामुख अर्यालले यस्तो आदेश दिएका हुन् । 
हर्क साम्पाङसहित श्रम संस्कृति पार्टी सांसदहरुले बैठकको सुरुमै सभामुखको अगाडि गएर प्ले कार्ड देखाएका थिए भने बैठकमा समेत छातीमा पर्चा टाँसेर सहभागी भएका छन् ।

Watch On

श्रम संस्कृति पार्टीको गतिविधिपछि सभामुखले प्रतिनिधिसभा महत्वपूर्ण हुने र कानुन निर्माण गर्ने महत्वपूर्ण थलो भएको उल्लेख गर्दै प्ले कार्ड र पर्चासहितको विरोधको शैली संसद्मा नदेखाउन आदेश गरेका हुन् ।

सभामुखले अर्यालले भनेका छन्, ‘विरोध गर्ने बिभिन्न शैलीहरू हुन्छन् । तर मर्यादामा बसेर विरोध गर्नुपर्ने हुन्छ । मर्यादामा बसेर विरोध गरिदिन म यहाँहरूलाई आगामी दिनमा यो आदेशकै रुपमा पनि लिइदिन म जानकारी गराउँछु ।’ यस्तो शैलीलाई उनले असंसदीय समेत भनेका छन् ।

‘पर्चा देखाएर विरोध गर्ने सदनमा यो हाम्रा कानुन अथवा नियमावली न हाम्रा प्राक्टिस कसैले पनि दिएको देखिँदैन्’, सभामुखले भनेका छन्, ‘यसकारण आगामी दिनमा विरोध गर्ने शैली मर्यादापूर्वक तरिकाले गर्नका लागि म जानकारी गराउँछु ।’

सभामुखले यस्तो आदेश गरेपछि पनि श्रम संस्कृतिका पार्टीका सांसदहरू छातीमा पर्चा टाँसेरै बसिरहेका छन् ।
यस्तो शैलीलाई सभामुखले संसदीय मर्यादा विपरीत रहेको भनेर विरोधको शैली बदल्न आदेश गरेका हुन् ।