आईसीसी क्रिकेट विश्वकप लिग-२: नेपालद्वारा स्कटल्यान्ड ६ विकेटले पराजित

काठमाडौँ । आईसीसी क्रिकेट विश्वकप लिग-२ अन्तर्गत सोमबार भएको खेलमा नेपालले अंकतालिकाको शीर्ष स्थानमा रहेको स्कटल्यान्डलाई ६ विकेटले पराजित गरेको छ।

जारी शृंखलामा दोस्रो जित हात पारेसँगै नेपाल लिग–२ को अंकतालिकामा पाँचौं स्थानमा उक्लिएको छ। सोमबार भएको खेलमा स्कटल्यान्डले दिएको १ सय ९५ रनको लक्ष्य पछ्याएको नेपालले  निर्धारित ओभरको ३८ ओभर १ बल खेल्दै ४ विकेटको क्षतिमा लक्ष्य प्राप्त गरेको हो ।

Watch On

नेपालको जितको लागि कप्तान रोहित पौडेलले सर्वाधिक ७४ रन जोडे । उनले ९८ बलमा ५ चौंका र २ छक्काको मद्दतमा नेपालका लागि नटआउट ७४ जोडेका हुन् ।

त्यस्तै, इशान पाण्डेले अर्धसतकीय पारी खेल्दै ५५ रन जोडेका छन् र उनले  ६१ बल खेल्दै ५ चौका र २ छक्काको मद्दतमा ५५ रन जोडेका हुन् । नेपालका लागि अन्य ब्याट्स म्यनमा ओपनर कुशल भुर्तेलले २७ बल खेल्दै २८ रन जोडे ।

उनले ४ चौका र १ छक्काको मद्दतमा को मद्दतमा २८ रन जोडेका हुन् । त्यस्तै आशिफ शेखले १७ बलमा २९ रन, आरिफ शेखले २३ बलमा ८ रन र उपकप्तान दिपेन्द्र सिंह ऐरीले ४ बलमा २ रन जोडेका थिए ।

कीर्तिपुरस्थित त्रिभुवन विश्वविद्यालय अन्तरराष्ट्रिय क्रिकेट मैदानमा टस जितेर पहिले ब्याटिङ गरेको स्कटल्यान्ड ३९ दशमलव एक ओभरमा १९४ रनमा अलआउट भएको थियो । उसका लागि ब्रान्डम क्याकमुलेनले सर्वाधिक ७३ रनको योगदान दिए ।

उनले ४४ बलमा ६ चौका र ६ छक्का प्रहार गरे । माइकल इङग्लिसले चार चौका र एक छक्काको सहायतामा ५१ रन बनाए भने जर्स मुन्सीले २१  र मार्क वाटले २० रन जोडेका थिए।