अध्यागमन विभागद्वारा डिजिटल टाइम कार्ड कार्यान्वयनमा

काठमाडौँ । अध्यागमन विभागले सहज र प्रभावकारी रुपमा सेवा प्रवाह गर्ने उदेश्यका साथ डिजिटल टाइम कार्ड कार्यान्वयनमा ल्याएको छ । बिहीबार बिभागमा आयोजित एक कार्यक्रमकाबीच विभागले डिजिटल टाइम कार्ड शुभारम्भ गरेको हो ।

डिजिटल टाइम कार्ड कार्यान्वयन आएसंगै आवदेनको रियलटाइममा जाँच गर्न सकिने, हरेक चरणको तत्काल सूचना प्राप्त हुने र डिजिटल टाइम कार्डमार्फत नै शुल्क भुक्तानी गर्न सकिने लगाएत फाइदा सेवाग्राहीलाई हुने बिभागले जनाएको छ ।

Watch On

त्यस्तै कार्यालयतर्फ बिभागमा जिम्मेवारी र जवाफदेहिता थप सुदृढ हुने, तथ्याङ्क–आधारित कार्यसम्पादन मूल्याङ्कनका लागि आधार तयार हुने सेवा प्रवाहमा गति र दक्षता बृद्धिका साथै नागरिक विश्वास र पारदर्शीताको प्रवद्र्धन हुने विश्वास रहेको बिभागका महानिर्देशक रामचन्द्र तिवारीले जानकारी दिए।

उनले बिभागको कार्यलाई छिटो छरितो बनाउन सवै कामलाई डिजिटल प्रणालीमा रुपान्तरण गरिसकेको बताए। टिकट र भिसा भएका व्यक्तिलाई बिमानस्थलबाट फर्काइने आफ्नै पैसामा पठाउने व्यवस्था समेत आफुले गरेको उनले बताए।

सरकारको शासकीय सुधार सम्बन्धी एकसय कार्यसूचीको बुँदा नंवर २३ मा सम्पूर्ण सार्वजनिक सेवाका प्रक्रियालाई डिजिटल, ट्रयाकिङयोग्य र पारदर्शी बनाउने योजना अनुसार बिभागले काम गरिरहेको महानिर्देशक तिवारीले बताए।