आइसीसी विश्वकप क्रिकेट लिग–२: नेपालद्वारा अमेरिकासामु ३१८ रनको लक्ष्य प्रस्तुत

काठमाडौँ । आइसीसी विश्वकप क्रिकेट लिग–२, अन्तर्गत आज भएको नेपाल र अमेरिकाबीच भएको खेलमा नेपाले अमेरिकालाई ३१८ रनको लक्ष्य प्रस्तुत गरेको छ ।

कीर्तिपुरस्थित त्रिभुवन विश्वविद्यायल अन्तराष्ट्रिय क्रिकेट मैदानमा टस हारेर ब्याटिङको निम्तो पाएको नेपालले निर्धारित ओभर खेल्दै ८ विकेटको क्षतिमा ३१७ रन जोडेको हो ।

Watch On

नेपालका ओपनर कुशल भुर्तेल र आशिफ सेखको जोडीले नेपालका लागि ६९ रनको साझेदारी गरेका थिए । उनीहरुले १२.५ ओभरको मद्दतमा ६९ रन जोडेका हुन् । कुशल भुर्तेल ३९ बलमा ५ चौकाको मद्दतमा २९ रन बनाए । त्यस्तै आशिफ सेखले ५७ बल खेल्दै ६ चौकाको मद्दतमा ४३ रन जोडेका छन् ।

नेपालका लागि इशान पाण्डे र उपकप्तान दिपेन्द्र सिंह ऐरीले अर्धशतकीय पारी खेलेका छन् । उपकप्तान दिपेन्द्र सिंह ऐरीले ३६ बल खेल्दै ५९ रन जोडेका हुन भने इशान पाण्डेले ८३ बल खेल्दै ८४ रन जोडेका हुन् । त्यस्तै नेपालका कप्तान रोहित पौडेलले ५९ बलमा ४६ रन जोडेका छन्।

त्यस्तै यसअघि पहिलो खेलमा नेपालले अमेरिकालाई पराजित गरेको थियो । अमेरिका आजको खेलमा नेपाललाई पराजित गर्दै प्रतियोगिताको शीर्ष स्थानमा यथावत रहन चाहन्छ । 

नेपाल २२ अङ्कका साथ विश्वकप क्रिकेट लिग–२ को पाँचौ स्थानमा छ । अमेरिका ३८ अङ्कका साथ शीर्ष स्थानमा छ । अमेरिकाविरुद्धको आजको खेलमा नेपालको टोलीमा कप्तान रोहितकुमार पौडेलसहित कुशल भुर्तेल, आसिफ शेख, इशान पाण्डे, दीपेन्द्रसिंह ऐरी, आरिफ शेख, गुल्सन झा, सोमपाल कामी, नन्दन यादव, सन्दीप लामिछाने र ललितनारायण राजवंशी रहेका छन् ।