संविधान संशोधनमा नागरिकले सुझाव दिन सक्ने, यस्तो छ प्रक्रिया !

काठमाडौँ । संविधान संशोधनका विषयमा अब आम नागरिकहरुले पनि लिखित सुझाव दिन सक्ने भएका छन् । 
सरकारले संविधानमा गर्नुपर्ने सुधार र संशोधनका विषयमा आम नागरिकहरूसँग लिखित सुझाव माग गर्दै सात दिनभित्र सुझाव उपलब्ध गराउन आग्रह गरेको छ । 

प्रधानमन्त्री तथा मन्त्रिपरिषद्को कार्यालय अन्तर्गत गठित ‘संविधान संशोधन बहसपत्र तयार गर्ने कार्यदल(२०८२’ ले शुक्रबार सार्वजनिक सूचना जारी गर्दै सुझाव मागेको हो । 

Watch On

संविधानमा गरिनुपर्ने आवश्यक सुधारका बारेमा इच्छुक व्यक्ति वा संस्थाहरूले निम्न ठेगाना, इमेल र ह्वाट्सएप नम्बरमा सुझाव पेश गर्न सक्ने सूचनामा उल्लेख छ ।

त्यसका लागि ठेगानाः ‘संविधान संशोधन बहसपत्र तयार गर्ने कार्यदल-२०८२’ को सचिवालय, प्रधानमन्त्री तथा मन्त्रिपरिषद्को कार्यालय, सिंहदरबार, काठमाडौँ  लिखित सुझाव पेश गर्न सकिने छ भने 

इमेल: [email protected] वा [email protected] र ह्वाट्सएप नम्बरः ९८५६०२९९४७ पठाउन पनि सकिने कार्यदलले जनाएकाे छ । 

सरकारले गत १६ गते प्रधानमन्त्रीका प्रमुख राजनीतिक सल्लाहकार असिम शाहको संयोजकत्वमा विभिन्न राजनीतिक दलहरूका प्रतिनिधिहरू सदस्य रहेको कार्यदल बनाएको थियो । कार्यादलले विभिन्न पक्षसँग निरन्तर छलफल गर्दै सुझावहरु संकलन गरिरहेको छ । 

प्राप्त सुझावका आधामार कार्यदलले संविधान संसोधनका लागि बहस पत्र तयार गर्ने जनाइएको छ ।