समाज

दुर्गा प्रसाईलाई आइतबार पछि हिरासतमा नराख्नु: सर्वोच्च

सिधाकुरा

शुक्रबार, जेठ ८, २०८३

दुर्गा प्रसाईलाई आइतबार पछि हिरासतमा नराख्नु: सर्वोच्च

File Photo

काठमाडौँ । दुर्गा प्रसाईंलाई हिरासतमा राख्न अब म्याद थप नगर्न सर्वोच्च अदालतले आदेश दिएको छ। पछिल्लोपटक बिहीबार जिल्ला अदालत पर्साले प्रसाईंलाई चार दिन हिरासतमा राख्न अनुमति दिएको छ। थपिएको म्यादभित्र अनुसन्धान सकिए पनि नसकिए पनि हिरासतमुक्त गर्न सर्वोच्च अदालतले आदेश दिएको हो।

प्रसाईलाई यसअघि तीन दिन हिरासतमा राखिसकिएको छ।आफूलाई गैरकानुनीरूपमा हिरासतमा राखेको भन्दै प्रसाईंको तर्फबाट बन्दी प्रत्येक्षीकरण निवेदन दर्ता भएको थियो।

Watch On

त्यसको सुनुवाइमा सर्वोच्च अदालतका न्यायाधीश विनोद शर्मा र नित्यानन्द पाण्डेयको इजलासले प्रसाईंको रिट खारेज गर्दै सरकारका नाममा यस्तो आदेश जारी गरेको हो।

तर प्रसाईं घाँटीको क्यान्सर रोगबाट पीडित भई उपचाररत रहेको र नियमितरूपमा स्वास्थ्य जाँचका लागि चिकित्सकको परामर्श एवम् अनुगमनमा जानुपर्ने अवस्था समेत रहेको अदालतको आदेशमा उल्लेख छ।

प्रसाईं भागीजाने अवस्थासमेत नदेखिएको भन्दै दोस्रो पटक थपिएको म्यादभित्र अनुसन्धान सम्पन्न भए सोहीअनुसार र नभए बाहिर राखी अनुसन्धान गर्न परमादेश जारी गरेको हो।

नागरिक बचाउ अभियानका अध्यक्ष समेत रहेका प्रसाईंलाई कार्यक्रमका लागि पर्सा पुगेका बेला प्रहरीले पक्राउ गरेको हो। उनलाई जिल्ला प्रहरी कार्यालय पर्साको हिरासतमा राखिएको छ।

प्रकाशित मिति: शुक्रबार, जेठ ८, २०८३

प्रतिक्रिया दिनुहोस्