भाद्र २४ को घटना ढाकछोप गर्ने सरकारको प्रयास स्वीकार्य छैनः गगन थापा

काठमाडौँ । नेपाली कांग्रेसका सभापति गगन थापाले भाद्र २४ गते भएको घटनाको ढाकछोप गर्ने सरकारको प्रयास कुनै हालतमा स्वीकार्य नहुने बताएका छन् । 

शनिबार विराटनगर स्थित कोइराला निवासमा आयोजना गरिएको पत्रकार भेटघाटमा सभापति थापाले भाद्र २४ गतेको विध्वंशको छानबिन नगर्ने र घटनाको ढाकछोप गर्ने सरकारको प्रयास स्वीकार्य नहुने बताउका हुन् । उनले सरकारले आफैँले गरेको प्रतिवद्धता अनुसार भाद्र २४ गतेको विध्वंशको छानबिन गर्न न्यायिक आयोग गठन गर्न माग समेत गरे । 

Watch On

उनले भाद्र २३ र २४ गतेको घटना बारे राष्ट्रिय मानव अधिकार आयोगको प्रतिवेदन र्सार्वजनिक गर्नुपर्ने बताउदै प्रतिवेदन अनुसार दोषीलाई कारवाही हुनुपर्ने जिकिर गरे । उनले मानव अधिकार आयोगको प्रतिवेदन रोक्न दबाब दिइएको सुनिएकोले त्यस्ता कार्य नगर्न आग्रह समेत गरे । 

एक प्रश्नको जवाफमा सभापति गगन थापाले सरकार गठन भए यता कार्यपालिकाले व्यवस्थापिका र न्यायपालिकालाई नियन्त्रण गर्ने प्रयास गरिरहेको भन्दै कुनै हालतमा यस्ता कार्य मान्य नहुने बताए । उनले सरकारको गलत क्रियाकलाप रोक्न आफुहरुले प्रयास जारी राख्ने बताए ।

त्यस्तै सभापति थापाले मुलुकको अवस्था र गम्भिरतालाई बुझेर पार्टीभित्रको असहमति र विमतीलाई मिलाएर समाधान खोज्न आफु तयार रहेको बताए । उनले केन्द्रिय समिति बाहिर रहेका सबैलाई समेटेर अगाडि बढ्न तयार रहेको बेला पार्टीविधि र विधान बाहिर गएर काम नगर्न आग्रह गरे ।