समाज

कांग्रेस सचेतकले सोधे– सांसद गीताकुमारीलाई किन निकालियो ? सभामुखले जवाफ दिए– निकालिएको होइन

सिधाकुरा

मंगलबार, जेठ १२, २०८३

कांग्रेस सचेतकले सोधे– सांसद गीताकुमारीलाई किन निकालियो ? सभामुखले जवाफ दिए– निकालिएको होइन

काठमाडौँ । फोटो खिचेको आरोपमा कांग्रेस सांसद गीताकुमारी सेन्दाङलाई मर्यादापालकले बैठक कक्षबाट बाहिर निकालेको विषयमा प्रतिनिधिसभा बैठकमा कांग्रेस सचेतक निश्कल राई र सभामुख डोलप्रसाद अर्यालबीच सवाल–जवाफ चलेको छ ।

केही समय स्थगित भएपछि पुनः सुरु भएको प्रतिनिधिसभाको बैठकमा सुरुमै कांग्रेस सचेतक राईले सांसद गीताकुमारीलाई मर्यादापालकले किन निकाले ? भनेर सोधेका थिए ।

Watch On

उनले सभामुखले नियमावलीको नियम ३० बमोजिम सभामुखले आदेश दिनुपर्नेमा त्यो नभएको बताए । ‘नियमावलीअनुसार सभामुखले सबैले सुन्नेगरी आदेश दिनुपथ्र्यो, सचेत गराउनु पथ्र्यो, तर, त्यो केही देखिएन’ उनले भने– ‘कानेखुसी गरेर आदेश दिएको भए थाहा भएन, कानेखुसीले सदन चल्न सक्दैन, सभामुखको गरिमा बढ्दैन ।’

त्यसलगत्तै सभामुख अर्यालले सांसद राईले राखेको विषयमा आफ्नो ध्यानाकर्षण भएको बताए ।

उनले भने– ‘माननीय निश्कल राईले राख्नु भएको विषयमा मेरो ध्यानाकर्षण भएको छ । गीताकुमारी सेन्दाङले सभामुखतर्फ स्पष्ट देखिने गरी फोटो खोज्नु भयो, त्यो मर्यादाविपरीत थियो, सभामुखले आफ्नो ड्यासबाट चेकजाँच गर्न निर्देशन दिएको हो, उहाँहरुले चेकजाँच गर्नु भएको हो, बाहिर निकालिएको छैन।’

प्रकाशित मिति: मंगलबार, जेठ १२, २०८३

प्रतिक्रिया दिनुहोस्