नेपालीको प्रतिव्यक्ति आय १५ सय ३५ डलर, आर्थिक वृद्धिदर ३.८५ प्रतिशत पुग्ने सरकारको अनुमान (पूर्णपाठ)

सिधाकुरा

बुधबार, जेठ १३, २०८३

नेपालीको प्रतिव्यक्ति आय १५ सय ३५ डलर, आर्थिक वृद्धिदर ३.८५ प्रतिशत पुग्ने सरकारको अनुमान (पूर्णपाठ)

काठमाडौँ । सरकारले चालु आर्थिक वर्षमा नेपालीको प्रतिव्यक्ति आय १ हजार ५३५ अमेरिकी डलर पुग्ने अनुमान गरेको छ ।

प्रतिनिधिसभाको बुधबारको बैठकमा आर्थिक सर्वेक्षण सार्वजनिक गर्दै अर्थमन्त्री डा.स्वर्णिम वाग्लेले चालु आवमा नेपालको आर्थिक वृद्धिदर ३.८५ प्रतिशत हुने अनुमान सार्वजनिक गरेका हुन् ।

Watch On

आर्थिक सर्वेक्षण सार्वजनिक गर्दै अर्थमन्त्री डा.स्वर्णिम वाग्लेले भने, चालु आवमा आर्थिक वृद्धिदर ३.८५ प्रतिशत पुग्ने अनुमान छ, मुलुकको कुल गार्हस्थ उत्पादन ६६ खर्ब र नेपालीको प्रतिव्यक्ति आय १ हजार ५३५ अमेरिकी डलर पुग्ने अनुमान छ ।

अर्थमन्त्री वाग्लेका अनुसार नेपालको उपभोक्ता मुद्रास्फीति ६ प्रतिशत माथि रहने छ । नेपालको कुल गार्हस्थ्य उत्पादनमा कृषि क्षेत्रले २४ प्रतिशत र गैरकृषि क्षेत्रले ७६ प्रतिशत योगदान गर्ने जानकारी अर्थमन्त्रीले गराए ।

यस वर्ष कुल गार्हस्थ्य उत्पादनमा प्राथमिक, द्वितीय र सेवा क्षेत्रको योगदान क्रमशः २४.४६, १३.७३ र ६१.८१ प्रतिशत रहने देखिएको छ ।

फागुनसम्म ४ हजार १०५ मेगावाट विद्युत् उत्पादन क्षमता पुगेको बताउँदै उनले ९९ प्रतिशत जनसंख्यामा विद्युत् पहुँच पुगेको उल्लेख गरे ।

प्रकाशित मिति: बुधबार, जेठ १३, २०८३

प्रतिक्रिया दिनुहोस्