रवि लामिछाने, मनिष झा, हरि ढकाल र जेलर सत्यराज जोशीमाथि सुक्ष्म अनुसन्धान गर्न आयोगको सिफारिस

काठमाडौँ । राष्ट्रिय मानव अधिकार आयोगले रास्वपा सभापति रवि लामिछाने कारागारवाट निस्किएको कार्य कानून विपरित रहेको भनी ब्याख्या गरेको छ । आयोगले आज सार्वजनिक गरेको प्रतिवेदनमा जेलर सत्यराज जोशी, रास्वपा सांसद मनिष झा, हरि ढकाल समेतलाई शङ्काको दायरामा राखी सुक्ष्म अनुसन्धान गरी दोषी पत्ता लगाइ कानून बमोजिम कारवाही गर्न सिफारिस गरेको छ । 

आयोगको प्रतिवेदनमा भनिएको छ, ‘तथ्य र विश्लेषण खण्डको प्रकारण नं १५ मा बिवेचना गरिएबमोजिम अनाधिकृत रुपमा कारागारवाट निस्किएको कार्य कानून विपरित रहेको भनी व्याख्या गरी सकिएको र सो कार्य मानव अधिकारको हनन् मात्र नभइ कारागार ऐन २०७९ को दफा ४९ मा उल्लेखित फौजदारी अपराध समेत भएको हुँदा रवि लामिछाने कारागारबाट बाहिर निस्कनुमा को कसको कस्तो  संलग्नता थियो भन्ने सम्बन्धमा नख्खु कारागारका प्रशासक (जेलर) सत्यराज जोशी, राष्ट्रिय स्वतन्त्र पार्टीका सभापति रवि लामिछानेलाई छुटाउन भनी ठूलो समूह सहित गएका तत्कालीन सांसद् तथा राष्ट्रिय स्वतन्त्र पार्टीका जिम्मेवार नेताहरु मनिष झा, हरि ढकाल समेतलाई शङ्काको दायरामा राखी सुक्ष्म अनुसन्धान गरी दोषी पत्ता लगाइ कानून बमोजिम कारवाही गर्न।’ 

Watch On

राष्ट्रिय मानव अधिकार आयोगले भदौ २३/२४ घटनाबारे छानबिन गरी प्रतिवेदन सार्वजनिक गरेको हो । आयोगकी सदस्य लिली थापाको संयोजकत्वमा भदौ २३/२४ को घटनामा मानव अधिकार उल्लंघनका विषयमा अनुसन्धान गरी प्रतिवेदन तयार पारेको थियो । 

समितिको प्रतिवेदनका आधारमा आयोगले त्यसबेला सरकारको नेतृत्वमा रहेका ओली, लेखक र गुरुङलाई मानव अधिकार उल्लंघनकर्ताका रूपमा किटान गरको छ ।