एलजी इलेक्ट्रोनिक्सद्वारा डुअलकुल एयर कन्डिसनर सार्वजनिक

काठमाडौँ । LG Electronics ले नेपालमा नयाँ ‘डुअलकुल इन्भर्टर’ रेसिडेन्सियल एयर कन्डिसनर (RAC) सार्वजनिक गरेको छ । कम्पनीले CG Electronics सँगको साझेदारीमा होटल भिभान्ता काठमाडौंमा विशेष कार्यक्रम आयोजना गर्दै नयाँ सिरिज बजारमा ल्याएको हो ।

एलजीले सार्वजनिक गरेको नयाँ एसीमा ‘किलोवाट म्यानेजर’ नामक स्मार्ट विद्युत् व्यवस्थापन प्रविधि समावेश गरिएको छ । कम्पनीका अनुसार उक्त प्रविधिले प्रयोगकर्तालाई विद्युत् खपत नियन्त्रण गर्न, सञ्चालन अवधि निर्धारण गर्न तथा वास्तविक समयमै ऊर्जा उपयोगको निगरानी गर्न सहयोग गर्नेछ ।

Watch On

कम्पनीले नेपालमा बढ्दो विद्युत् शुल्क र ऊर्जा बचतको आवश्यकतालाई ध्यानमा राखेर नयाँ उत्पादन विकास गरिएको जनाएको छ ।

एलजीका अनुसार नयाँ डुअलकुल इन्भर्टर एसीमा डुअल इन्भर्टर कम्प्रेसर प्रयोग गरिएको छ, जसले साधारण नन–इन्भर्टर एसीको तुलनामा ७० प्रतिशतसम्म ऊर्जा बचत तथा ४० प्रतिशतसम्म छिटो चिस्यान प्रदान गर्ने दाबी गरिएको छ ।

एसीमा ‘फ्रिज क्लिन’ सुविधा पनि राखिएको छ, जसले इभापोरेटरभित्र जम्मा हुने धुलो तथा ब्याक्टेरिया हटाएर स्वच्छ हावा प्रवाह सुनिश्चित गर्ने कम्पनीको भनाइ छ । कम्पनीका अनुसार परीक्षणका क्रममा उक्त प्रविधिले ९९ प्रतिशतसम्म ब्याक्टेरिया हटाउन सक्षम रहेको देखिएको छ ।

नेपालको मौसम तथा विद्युत् अवस्थालाई ध्यानमा राख्दै नयाँ मोडेलमा गोल्ड फिन एन्टि–कोरोसन कोटिङ, १०० प्रतिशत कपर ट्युब तथा स्टेबलाइजर–फ्री अपरेशनजस्ता सुविधा पनि समावेश गरिएको कम्पनीले जनाएको छ ।

कार्यक्रममा बोल्दै सीजी इलेक्ट्रोनिक्सका मार्केटिङ विभागका महाप्रबन्धक गौरव हमालले ऊर्जा दक्षता नेपाली घरपरिवारको प्राथमिकता बन्दै गएको उल्लेख गर्दै एलजीको नयाँ प्रविधिले उपभोक्तालाई विद्युत् खर्च व्यवस्थापनमा सहयोग पुग्ने विश्वास व्यक्त गरे ।