बजार

डिशहोम इन्टरनेटकाे ब्रान्ड एम्बेसेडरमा अभिनेत्री दिव्या रायमाझीकाे निरन्तरता

सिधाकुरा

शुक्रबार, जेठ १५, २०८३

डिशहोम इन्टरनेटकाे ब्रान्ड एम्बेसेडरमा अभिनेत्री दिव्या रायमाझीकाे निरन्तरता

काठमाडौँ । डिशहोम इन्टरनेटले ब्रान्ड एम्बेसेडरमा अभिनेत्री दिव्या रायमाझीलाई निरन्तरता दिएको छ ।

डिशहोम इन्टरनेट र रायमाझीबीच डिशहोमको कपोरेट कार्यालय, भैँसेपाटीमा ब्रान्ड एम्बेसेडर सम्झौता नवीकरण सम्पन्न भएको हो ।

Watch On

सम्झौतामा डिशहोमको तर्फबाट प्रमुख कार्यकारी अधिकृत प्रसन्न पोख्रेल तथा अभिनेत्री दिव्या रायमाझीले हस्ताक्षर गरेका हुन् । डिशहोम इन्टरनेटले डिजिटल कनेक्टिभिटी, युवा पुस्तासँगको भावनात्मक सम्बन्ध तथा आधुनिक डिजिटल जीवनशैलीलाई प्राथमिकतामा राख्दै आफ्नो ब्रान्ड यात्रालाई निरन्तर अघि बढाइरहेको जनाएको छ ।

कम्पनीका अनुसार, युवामाझ लोकप्रिय, आत्मविश्वासी तथा नयाँ पुस्ताको प्रतिनिधित्व गर्ने व्यक्तित्वका रूपमा दिव्या रायमाझीसँगको सहकार्यलाई निरन्तरता दिइएको हो ।

यस अवसरमा डिशहोमले आगामी डिजिटल अभियानहरू, ग्राहक केन्द्रित सेवाहरू तथा विशेष मनोरञ्जनमूलक कार्यक्रमहरूमा पनि रायमाझीसँग सहकार्य गर्दै जाने जनाएको छ ।

डिशहोमले हाल देशभर उच्च गतिको इन्टरनेट तथा डिजिटल टेलिभिजन सेवा प्रदान गर्दै आएको छ।

सम्झौता नवीकरणपछि अभिनेत्री दिव्या रायमाझीले डिशहोमसँगको सहकार्यलाई निरन्तरता दिन पाउँदा खुशी लागेको बताउँदै नेपाली दर्शक तथा डिजिटल प्रयोगकर्तासँग अझ नजिक भएर जोडिन पाउने विश्वास व्यक्त गरिन् ।

प्रकाशित मिति: शुक्रबार, जेठ १५, २०८३

प्रतिक्रिया दिनुहोस्