समाज

रवि लामिछानेको अध्यक्षतामा रास्वपा महाधिवेशन मूल आयोजक समिति गठन, सचिवालय बैठक आजै

सिधाकुरा

आइतबार, जेठ १७, २०८३

रवि लामिछानेको अध्यक्षतामा रास्वपा महाधिवेशन मूल आयोजक समिति गठन, सचिवालय बैठक आजै

काठमाडौँ । राष्ट्रिय स्वतन्त्र पार्टी (रास्वपा) ले आसन्न प्रथम महाधिवेशनका लागि सभापति रवि लामिछानेका अध्यक्षतामा महाधिवेशन मूल आयोजक समिति गठन गरेको छ ।

समितिमा उपसभापति डा। स्वर्णिम वाग्ले, महामन्त्रीद्वय कविन्द्र बुर्लाकोटी र भूपदेव शाह, सहमहामन्त्री विपिन कुमार आचार्य र कोषाध्यक्ष लिमा अधिकारी सदस्य छन् ।

Watch On

त्यस्तै, सचिवालय सदस्यहरु बसुमाया तामाङ, मनिष झा, विराजभक्त श्रेष्ठ, दीपकराज बोहरा, गणेश पराजुली, सोबिता गौतम, शिशिर खनाल, हरि ढकाल, सरिता ज्ञवली र सागर ढकाल पनि महाधिवेशन मूल आयोजक समितिका सदस्य छन् । मूल आयोजक समितिमा केन्द्रीय समितिका सबै सदस्य र सबै प्रदेश सभापतिलाई पनि राखिएको छ ।

यसैबीच, सभापति लामिछानेको आजै राष्ट्रिय स्वतन्त्र पार्टी सचिवालयको बैठक बस्दै छ ।

बैठक साँझ ८ बजे भर्चुअल (जुममा) बस्ने रास्वपा केन्द्रीय कार्यालयले जनाएको छ ।

आज बस्ने सचिवालय बैठकमा समसामयिक राजनीति र पार्टी गतिविधि, अनुशासन आयोग, निर्वाचन आयोग र विभागहरूमा मनोनयन, अनुशासनात्मक कारबाही, प्रदेश अधिवेशन कार्यविधि, महाधिवेशन मूल आयोजक समिति अन्तर्गतका उपसमिति गठन, महाधिवेशन निर्वाचन कार्यविधि, विधान संशोधन र संघीय सांसदहरूको पार्टी जिम्मेवारी लगायत एजेण्डामा छलफल हुने छ ।

प्रकाशित मिति: आइतबार, जेठ १७, २०८३

प्रतिक्रिया दिनुहोस्