समाज

प्रधानमन्त्रीको अभिव्यक्तिमा आपत्ति जनाउँदै राष्ट्रियसभा बैठक अवरुद्ध, स्वयं उपस्थित भएर जवाफ दिनुपर्ने माग

सिधाकुरा

सोमबार, जेठ १८, २०८३

प्रधानमन्त्रीको अभिव्यक्तिमा आपत्ति जनाउँदै राष्ट्रियसभा बैठक अवरुद्ध, स्वयं उपस्थित भएर जवाफ दिनुपर्ने माग

काठमाडौँ । प्रधानमन्त्रीले नेपालले भारतको सीमा मिचेको भन्ने अभिव्यक्तिबारे आपत्ति जनाउदै सांसदहरुले विरोध जनाएपछि राष्ट्रियसभा बैठक अवरुद्ध भएको छ ।

सोमबार राष्ट्रियसभा बैठक सुरु हुनेबित्तिकै बिभिन्न दलका सांसदहरुले प्रधानमन्त्रीको अभिव्यक्तिप्रति आपत्ति जनाउदै उठेर विरोध जनाएका थिए । उनीहरुले प्रधानमन्त्रीले सीमाका विषयमा दिएको अभिव्यक्तिका बारे स्वयं उपस्थीत भएर जवाफ दिनुपर्ने माग राखेका छन् ।

Watch On

राष्ट्रियसभा सदस्य रामकुमारी झाँक्रीले रास्वपा सभापतिको भारत भ्रमणको पूर्वसन्ध्यामा प्रधानमन्त्री बिना सूचना प्रतिनिधिसभामा उपस्थीत भएर दिएको अभिव्यक्ति नियोजित भएको हुनसक्ने आशंका व्यक्त गरिन् । सीमामा रहेका नागरिकहरुले आफ्नो भूमि जोगाइरहेको अवस्थामा प्रधानमन्त्री नै नेपालले भारतको सीमा मिचेको भन्ने अभिव्यक्ति देशको हितमा नरहेको उनले बताइन् ।

देशको सीमाका बोरमा बोल्न नसक्ने प्रधानमन्त्रीले देशको राष्ट्रियता जोगाउन सक्ने भन्ने अपेक्षा नरहेको उनको भनाइ छ । राष्ट्रियसभाका प्राय सवै सदस्यहरुले प्रधानमन्त्रीको अभिव्यक्तिप्रति आपत्ति जनाएपछि राष्ट्रियसभा अध्यक्ष नारायणप्रसाद दाहालले २० मिनेटका लागि बैठक स्थगित गरे ।

प्रकाशित मिति: सोमबार, जेठ १८, २०८३

प्रतिक्रिया दिनुहोस्