समाज

भाजपा मुख्यालयमा रास्वपा सभापति रवि लामिछानेको भव्य स्वागत

सिधाकुरा

मंगलबार, जेठ १९, २०८३

भाजपा मुख्यालयमा रास्वपा सभापति रवि लामिछानेको भव्य स्वागत

काठमाडौँ । भारतको पाँच दिने भ्रमणमा रहेका रास्वपा सभापति रवि लामिछानेलाई भारतीय सत्तारुढ दल भारतीय जनता पार्टी (भाजपा) ले भव्य स्वागत गरेको छ ।

भाजपा अध्यक्ष नीतिन नवीन सहित पार्टीका उच्च पदाधिकारीहरुले सभापति लामिछानेलाई नयाँ दिल्लीको दिनदयाल मार्गस्थित भाजपा मुख्यालयमा स्वागत गरेका हुन् ।

Watch On

रास्वपा सभापति लामिछाने नेतृत्वको प्रतिनिधि मण्डल भाजपा मुख्यालय पुग्दा परम्परागत गीत, संगीत, नृत्य तथा पुष्पवृष्टिसहित स्वागत गरिएको थियो ।

अहिले भाजपा मुख्यालयमा रास्वपा सभापति लामिछाने नेतृत्वको नेपाली प्रतिनिधि मण्डल र भाजपा अध्यक्ष नीतिन नवीन नेतृत्वको भारतीय प्रतिनिधि मण्डलका बीचमा वार्ता भइरहेको थियो ।

भाजपाको निमन्त्रणामा लामिछाने भारतको पाँच दिने भ्रमणका लागि हिजो नयाँ दिल्ली पुगेका हुन् । लामिछाने नेतृत्वको प्रतिनिधि मण्डलमा उनकी पत्नी निकिता, रास्वपा सहमहामन्त्री विपिन आचार्य, सचिवालय सदस्य दीपक बोहरा र लामिछानेका स्वकीय सचिव प्रदीप आचार्य सहभागी छन् ।
आज भारतको चर्चित पत्रिका हिन्दुस्तान टाइम्समा प्रकाशित लामिछानको लेखका बारेमा पनि दुवै देशमा चर्चा भइरहेको छ ।

प्रकाशित मिति: मंगलबार, जेठ १९, २०८३

प्रतिक्रिया दिनुहोस्