सुधन गुरुङमाथि छानबिन गर्न समितिलाई पाँच दिन म्याद थप

सिधाकुरा

मंगलबार, जेठ १९, २०८३

सुधन गुरुङमाथि छानबिन गर्न समितिलाई पाँच दिन म्याद थप

काठमाडौँ । पूर्वगृहमन्त्री एवं राष्ट्रिय स्वतन्त्र पार्टी (रास्वपा)का सांसद सुधन गुरुङमाथि छानबिन गर्न गठित समितिको पाँच दिन म्याद थप भएको छ।

सरकारले छानबिनका लागि समितिलाई दिएको म्याद सोमबार सकिएको थियो । सरकराले आजबाट लागू हुने गरी पाँच दिन म्याद थपेको हो ।
समितिका अध्यक्ष अच्युतप्रसाद भण्डारीका अनुसार बयान तथा प्रारम्भि प्रमाण संकलनको काम सकिएको र केहि थप प्रमाण बुझ्नु बाँकी रहेकाले पाँच दिन भित्र सबै काम सकेर प्रतिवेदन तयार हुने छ।

Watch On

गृहमन्त्री हुँदा विवादमा परेका गुरुङमाथि छानबिन गर्न गत वैशाख २८ गते सरकारले उच्च अदालतका पूर्वन्यायाधीश भण्डारीको नेतृत्वमा तीन सदस्यीय छानबिन समिति गठन गरेको थियो। समितिमा महालेखा नियन्त्रक शोभाकान्त पौडेल र महान्यायाधिवक्ता कार्यालयका सहन्यायाधिवक्ता अच्युतमणि न्यौपाने सदस्य छन्।

समितिलाई गुरुङको सम्पत्ति विवाद, हिरासतमा रहेका व्यवसायी दीपक भट्ट संलग्न कम्पनीको शेयर, हदबन्दीभन्दा बढि जग्गा र विवादित जग्गाका विषयमा छानबिन गर्न कार्यादेश दिइएको छ।

गत चैत १३ गते गृहमन्त्री भएका गुरुङ सम्पत्ति विवरण सार्वजनिक भएसँगै विवादमा आएका थिए। विवाद चर्किँदै गएपछि उनले गत वैशाख ९ गते गृहमन्त्रीबाट राजीनामा दिएका थिए।

प्रकाशित मिति: मंगलबार, जेठ १९, २०८३

प्रतिक्रिया दिनुहोस्